സംസ്ഥാനത്ത് 7,354 പേര്‍ക്ക് കൂടി കോവിഡ് സ്ഥിരീകരിച്ചു

തിരുവനന്തപുരം: സംസ്ഥാനത്ത് ഇന്ന് 7,354 പേര്‍ക്ക് കൂടി കോവിഡ് 19 സ്ഥിരീകരിച്ചു. മലപ്പുറം 1040, തിരുവനന്തപുരം 935, കോഴിക്കോട് 837, എറണാകുളം 859, കൊല്ലം 583, ആലപ്പുഴ 524, തൃശ്ശൂര്‍ 484, കാസര്‍ഗോഡ് 453, കണ്ണൂര്‍ 432, പാലക്കാട് 374, കോട്ടയം 336, പത്തനംതിട്ട 271, വയനാട് 169, ഇടുക്കി 57 എന്നിങ്ങനെയാണ് ജില്ലകള്‍ തോറുമുള്ള ഇന്നത്തെ കോവിഡ് ബാധിത കണക്കുകള്‍

ഇന്ന് രോഗം ബാധിച്ചവരില്‍ 6,364 പേര്‍ക്കും സമ്പര്‍ക്കം വഴിയാണ് രോഗബാധ ഉണ്ടായത്. ഇതില്‍ 672 പേരുടെ സമ്പര്‍ക്ക ഉറവിടം വ്യക്തമല്ല. 130 ആരോഗ്യ പ്രവര്‍ത്തകര്‍ക്കും ഇന്ന് രോഗബാധിച്ചിട്ടുണ്ട്. കോവിഡ് ബാധിച്ച് 22 മരണവും ഇന്ന് സ്ഥിരീകരിച്ചു. അതേസമയം 3,420 പേര്‍ ഇന്ന് രോഗമുക്തി നേടിയിട്ടുമുണ്ട്. സംസ്ഥാനത്ത് പുതിയ 11 ഹോട്ട് സ്‌പോട്ടുകളും കൂടി പ്രഖ്യാപിച്ചിട്ടുണ്ട്.