India
Keralam
തിരുവനന്തപുരം. തദ്ദേശ തിര‌ഞ്ഞെടുപ്പില്‍ ഗ്രാമ-ബ്ലോക്ക്-ജില്ലാ പഞ്ചായത്തുകളില്‍ യു ഡി എഫിന് മുന്‍തൂക്കം. കോര്‍പ്പറേഷനുകളില്‍ എല്‍ ഡി എഫും യു ഡി എഫും ഒപ്പത്തിനൊപ്പമാണ്. എന്‍ ഡി എ പലയിടത്തും അപ്രതീക്ഷിത മുന്നേറ്റം നടത്തുന്നുണ്ട്.
കൊച്ചി കോര്‍പ്പറേഷനില്‍ യു ഡി എഫിന്റെ മേയര്‍ സ്ഥാനാര്‍ത്ഥി എന്‍ വേണുഗോപാല്‍ ഒരു വോട്ടിന് പരാജയപ്പെട്ടത് യു ഡി എഫിന് ഞെട്ടലായി. യു ഡി എഫിന്റെ സിറ്റിംഗ് സീറ്റില്‍ ബി ജെ പിയാണ് വിജയിച്ചത്. തിരുവനന്തപുരത്ത് കുന്നുക്കുഴി വാര്‍ഡില്‍ എല്‍ ഡി എഫിന്റെ മേയര്‍ സ്ഥാനാര്‍ത്ഥി എ ജി ഒലീനയും പിന്നിലാണ്.
തിരഞ്ഞെടുപ്പിലെ ആദ്യ വിജയം യു ഡി എഫിനാണ്. കൊല്ലം പരവൂര്‍ മുന്‍സിപ്പാലിറ്റില്‍ വാര്‍ഡ് ഒന്നിലാണ് യു ഡി എഫിന് വിജയം.
വോട്ടെണ്ണല്‍ പുരോഗമിക്കവെ പാലാ നഗരസഭയില്‍ ഇടതുപക്ഷമാണ് ലീഡ് ചെയ്യുന്നത്. ഒന്നാം വാര്‍ഡില്‍ ജോസ് കെ മാണിയുടെ സ്ഥാനാര്‍ത്ഥിയും രണ്ടാം വാര്‍ഡില്‍ സി പി എമ്മും വിജയിച്ചു. പാലക്കാട് മുന്‍സിപ്പാലിറ്റിയില്‍ എന്‍ ഡി എയാണ് മുന്നില്‍.
തിരുവനന്തപുരം കോര്‍പ്പറേഷനില്‍ എല്‍ ഡി എഫ് 20 സീറ്റുകളിലും യു ഡി എഫ് നാല് സീറ്റുകളിലും എന്‍ ഡി എ ഏഴ് സീറ്റുകളിലും ലീഡ് ചെയ്യുകയാണ്. തൃശൂര്‍ കോര്‍പ്പറേഷനില്‍ എല്‍ ഡി ഫിനാണ് മുന്നേറ്റം. കോഴിക്കോട് കോര്‍പ്പറേഷനിലും എല്‍ ഡി എഫിനാണ് മുന്നിൽ ബി ജെ പിയും നല്ല പ്രകടനം കാഴ്ചവെക്കുന്നുണ്ട് .
