India
Keralam
കോട്ടയം: എന്‍ സി പി വിട്ട മാണി സി കാപ്പന്‍ പുതിയ പാര്‍ട്ടി പ്രഖ്യാപിച്ചു. നാഷണലിസ്റ്റ് കോണ്‍ഗ്രസ് കേരള എന്നാണ് പുതിയ പാര്‍ട്ടിയുടെ പേര്. മാണി സി കാപ്പന്‍ തന്നെയാണ് പാര്‍ട്ടിയുടെ പ്രസിഡന്റ്. ബാബു കാര്‍ത്തികേയനാണ് വൈസ് പ്രസിഡണ്ട്.
കോണ്‍ഗ്രസില്‍ ചേരില്ലെന്നും സ്വന്തം പാര്‍ട്ടി പ്രഖ്യാപിച്ച് മുന്നോട്ടുപോവുമെന്നും മാണി സി കാപ്പന്‍ നേരത്തെ വ്യക്തമാക്കിയിരന്നു. ദേശീയ വീക്ഷണമുള്ള ജനാധിപത്യ പാര്‍ട്ടിയായി പുതിയ പാര്‍ട്ടി മുന്നോട്ടുപോകുമെന്ന് പറഞ്ഞ കാപ്പന്‍ യു ഡി എഫിനോട് മൂന്ന് സീറ്റ് ആവശ്യപ്പെടുമെന്നും വ്യക്തമാക്കി.
എല്‍ ഡി എഫ് 19 പാര്‍ലമെന്റ് സീറ്റില്‍ തോറ്റ് വെന്റിലേറ്ററില്‍ കിടക്കുന്ന സമയത്താണ് താന്‍ പാലായില്‍ ജയിച്ചതെന്ന് പറഞ്ഞ കാപ്പന്‍ എല്‍ ഡി എഫ് തന്നോട് കടുത്ത അനീതിയാണ് കാട്ടിയതെന്നും തുറന്നടിച്ചു. തന്റെ മുന്നണി മാറ്റത്തെ എങ്ങനെ വേണമെങ്കിലും മാദ്ധ്യമങ്ങള്‍ക്ക് വ്യാഖ്യാനിക്കാമെന്നും കാപ്പന്‍ പറഞ്ഞു.
