Agriculture

Entertainment

October 18, 2021

BHARATH NEWS

Latest News and Stories

വെള്ളിയാഴ്ച ഭാരത് ബന്ദ്; കേരളത്തില്‍ കടകള്‍ തുറക്കുമെന്ന് വ്യാപാരി വ്യവസായി ഏകോപന സമിതി

കോഴിക്കോട്: വെള്ളിയാഴ്ച ഭാരത് ബന്ദ് പ്രഖ്യാപിച്ച് കോണ്‍ഫെഡറേഷന്‍ ഓഫ് ഓള്‍ ഇന്ത്യ ട്രേഡേഴ്‌സ്. ഇന്ധനവിലക്കയറ്റം, ജിഎസ്ടി, ഇവേബില്‍ എന്നിവയില്‍ പ്രതിഷേധിച്ചാണ് ഭാരത് ബന്ദ് പ്രഖ്യാപിച്ചിരിക്കുന്നത്. രാവിലെ ആറുമുതല്‍ വൈകിട്ട് ആറുവരെയാണ് ബന്ദിന് ആഹ്വാനം ചെയ്തിരിക്കുന്നത്.

എന്നാല്‍ കേരളത്തില്‍ കടകള്‍ തുറക്കുമെന്ന് വ്യാപാരി വ്യവസായി ഏകോപന സമിതി സംസ്ഥാന സെക്രട്ടറി കെ. സേതുമാധവന്‍ അറിയിച്ചു. മറ്റ് സംഘടനകള്‍ നിലപാട് അറിയിച്ചിട്ടില്ല.

ഓള്‍ ഇന്ത്യ ട്രാന്‍സ്‌പോര്‍ട് വെല്‍ഫെയര്‍ അസോസിയേഷന്‍( എ.ഐ.ടി.ഡബ്‌ളു.എ) സമരത്തില്‍ പങ്കെടുക്കുന്നുണ്ട്. എന്നാല്‍ ലോറി ഉടമകളുടെ സംഘടനയായ ലോറി ഓണേഴ്‌സ് ഫെഡറേഷന്‍ പണിമുടക്കില്‍ പങ്കെടുക്കില്ല.