Agriculture

Entertainment

January 28, 2023

BHARATH NEWS

Latest News and Stories

പെട്രോളിയം ഉല്പന്നങ്ങളെ ജിഎസ്ടിയില്‍ ഉള്‍പ്പെടുത്തുന്നത് എതിര്‍ക്കുന്നത് തോമസ് ഐസക്കാണെന്ന് കെ സുരേന്ദ്രന്‍

കൊച്ചി: പെട്രോളിയം ഉല്പന്നങ്ങളെ ജി എസ് ടിയില്‍ പെടുത്തുന്നതിനെ എതിര്‍ക്കുന്നത് ധനമന്ത്രി തോമസ് ഐസക് ആണെന്ന് ബി ജെ പി സംസ്ഥാന അദ്ധ്യക്ഷന്‍ കെ സുരേന്ദ്രന്‍. ഐസക്കും മറ്റ് രണ്ട് ധനമന്ത്രിമാരും മാത്രം എതിര്‍ക്കുന്നതിനാലാണ് കേന്ദ്രം അനുകൂല നിലപാട് സ്വീകരിച്ചിട്ടും പെട്രോളിയം ഉല്പന്നങ്ങളെ ജി എസ് ടിയില്‍ പെടുത്താനാകാത്തത്.

എല്ലാ അഴിമതിക്കും കൂട്ടുനിന്ന ശേഷം ഒന്നും താനറിഞ്ഞില്ലന്ന വിചിത്ര നിലപാടാണ് മുഖ്യമന്ത്രി പിണറായി വിജയന്‍ സ്വീകരിക്കുന്നത്. തന്റെ മന്ത്രിസഭയില്‍ സംഭവിക്കുന്നതൊന്നും അദ്ദേഹത്തിനറിയില്ലങ്കില്‍ പിണറായിയുടെ ഒരു ചിത്രം മാത്രം മുഖ്യമന്ത്രിയുടെ ഓഫീസില്‍ വെക്കുന്നതാകും നല്ലത്. വ്യവസായ, ഫിഷറീസ് മന്ത്രിമാരെ നേരില്‍ കണ്ടാണ് അഴക്കടല്‍ മത്സ്യബന്ധന കമ്പനി കരാര്‍ ഉറപ്പിച്ചത്. കരാറിനു പിന്നില്‍ ഗൂഢാലോചനയുണ്ടെങ്കില്‍ മുഖ്യമന്ത്രി കേസെടുക്കണം. രാജ്യസുരക്ഷയെ കൂടി ബാധിക്കുന്ന പ്രശ്‌നമായതിനാല്‍ ആരൊക്കെ ഇതില്‍ ഉള്‍പ്പെട്ടിട്ടുണ്ടെന്നും പുറത്തു വരേണ്ടതുണ്ട്. അതിന് സമഗ്രാന്വേഷണം വേണം.

ജി എസ് ടിയില്‍ പെടുത്തിയാല്‍ വില കുറയും. ഇന്ധന വില നിര്‍ണയിക്കുന്നതിനുള്ള അവകാശം പെട്രോളിയം കമ്പനികള്‍ക്ക് നല്‍കിയത് കോണ്‍ഗ്രസ് സര്‍ക്കാരിന്റെ കാലത്താണ്. അത് മറച്ചു വച്ചാണ് കോണ്‍ഗ്രസ് നേതാക്കള്‍ ഇന്ധന വില വര്‍ധനക്കെതിരെ സംസാരിക്കുന്നതെന്നും കെ സുരേന്ദ്രന്‍ വാര്‍ത്താ സമ്മേളനത്തില്‍ പറഞ്ഞു.