Agriculture

Entertainment

January 31, 2023

BHARATH NEWS

Latest News and Stories

പി സി ചാക്കോ കോണ്‍ഗ്രസ് വിട്ടു

ന്യൂഡല്‍ഹി: മുതിര്‍ന്ന നേതാവ് പി സി ചാക്കോ കോണ്‍ഗ്രസ് വിട്ടു. രാജിക്കത്ത് കോണ്‍ഗ്രസ് അദ്ധ്യക്ഷ സോണിയാ ഗാന്ധിക്ക് കൈമാറി. കേരളത്തിലെ കോണ്‍ഗ്രസ്സിന്റെ അപചയവും പാര്‍ട്ടിയില്‍ നിന്നുള്ള കടുത്ത അവഗണനയുമാണ് പാര്‍ട്ടി വിടാന്‍ കാരണമായതെന്ന് അദ്ദേഹം വെളിപ്പെടുത്തി.

കേരളത്തില്‍ രണ്ട് പാര്‍ട്ടിയായാണ് കോണ്‍ഗ്രസ് ഭരിക്കുന്നതെന്ന് അദ്ദേഹം പറഞ്ഞു. ഇത്തവണ സ്ഥാനാര്‍ത്ഥിയായി പി സി ചാക്കോയെ പരിഗണിച്ചിരുന്നില്ല. ഉമ്മന്‍ചാണ്ടിയും രമേശ് ചെന്നിത്തലയും സ്വന്തം ആളുകളെ സ്ഥാനാര്‍ത്ഥികളാക്കുന്നു. സ്ഥാനാര്‍ത്ഥികളെ സംബന്ധിച്ച് പാര്‍ട്ടിയില്‍ ചര്‍ച്ചയുണ്ടായില്ലെന്നും അദ്ദേഹം പറഞ്ഞു.

പാര്‍ട്ടി ഗ്രൂപ്പുകളുടെ കൈയിലാണെന്ന് പി സി ചാക്കോ പറഞ്ഞു. ഹൈക്കമാന്‍ഡിന് എതിരെയും അദ്ദേഹം രൂക്ഷ വിമര്‍ശനമുയര്‍ത്തി. ഹൈക്കമാന്‍ഡിന് ജനാധിപത്യമില്ലെന്ന് അദ്ദേഹം തുറന്നടിച്ചു.

തന്റെ ഭാവി പരിപാടികള്‍ ആലോചിച്ചിട്ടില്ലെന്നും അദ്ദേഹം പറഞ്ഞു.