Agriculture

Entertainment

January 31, 2023

BHARATH NEWS

Latest News and Stories

ശബരിമല സംഭവങ്ങള്‍ ഏറെ വിഷമിപ്പിച്ചു: ഖേദപ്രകടനവുമായി മന്ത്രി കടകംപള്ളി സുരേന്ദ്രന്‍

തിരുവനന്തപുരം: ശബരിമല യുവതീ പ്രവേശനവുമായി ബന്ധപ്പെട്ട് നടന്ന സംഭവങ്ങളില്‍ ഖേദം പ്രകടിപ്പിച്ച് മന്ത്രി കടകംപള്ളി സുരേന്ദ്രന്‍. സുപ്രീംകോടതി വിധിയും അതുമായി ബന്ധപ്പെട്ട പ്രശ്‌നങ്ങളും വല്ലാത്ത വഷമമുണ്ടാക്കിയെന്നും ശബരിമലയിലുണ്ടായ സംഭവങ്ങള്‍ നടക്കാന്‍ പാട്ടില്ലായിരുന്നുവെന്നും മന്ത്രി പറഞ്ഞു.

ശബരിമല സംഭവങ്ങള്‍ ജനങ്ങളുടെ മനസ്സില്‍ ഇല്ലെന്നാണ് കരുതുന്നത്. സുപ്രീംകോടതി വിശാല ബെഞ്ചിന്റെ വിധി എന്തായാലും വിശ്വാസികളുമായും രാഷ്ട്രീയകക്ഷികളുമായും ചര്‍ച്ച നടത്തി മാത്രമേ സര്‍ക്കാര്‍ ഇനി ഇക്കാര്യത്തില്‍ തീരുമാനമെടുക്കൂ എന്നും അദ്ദേഹം പറഞ്ഞു.

കഴിഞ്ഞദിവസം സി പി എം സ്ഥാനാര്‍ത്ഥി പട്ടിക പുറത്തുവന്നതിനു പിന്നാലെയാണ് ശബരിമല വിഷയത്തില്‍ ഖേദപ്രകടനവുമായി കടകംപള്ളി രംഗത്തെത്തിയിരിക്കുന്നത്. ഈ ഏറ്റുപറച്ചില്‍ തിരഞ്ഞെടുപ്പ് മുന്നില്‍ കണ്ട് മാത്രമാണെന്ന നിലപാടിലാണ് വിശ്വാസികളും.