Agriculture

Entertainment

January 31, 2023

BHARATH NEWS

Latest News and Stories

ഒന്‍പതാം ക്ലാസ് വരെയുള്ള വാര്‍ഷിക പരീക്ഷ ഒഴിവാക്കി

തിരുവനന്തപുരം: ഒന്‍പതാം ക്ലാസ് വരെയുള്ള സ്‌കൂള്‍ വാര്‍ഷിക പരീക്ഷ ഒഴിവാക്കി. നിരന്തര മൂല്യനിര്‍ണയത്തിന്റെയും വര്‍ക്ക് ഷീറ്റുകളുടേയും അടിസ്ഥാനത്തിലാകും ക്ലാസ് കയറ്റം. എട്ടാം ക്ലാസുവരെയുള്ള ഓള്‍ പാസ് ഇത്തവണ ഒന്‍പതിലേക്ക് കൂടി വ്യാപിപ്പിക്കും.

കോവിഡ് പശ്ചാത്തലത്തിലാണ് ഒന്‍പതാം ക്ലാസ് വരെയുള്ള സ്‌കൂള്‍ വാര്‍ഷിക പരീക്ഷകള്‍ ഒഴിവാക്കുന്നത്. കുട്ടികള്‍ ഒരുമിച്ച് സ്‌കൂളുകളിലെത്തുന്നത് കോവിഡ് വ്യാപനത്തിന് കാരണമായേക്കാം. കോവിഡ് മാര്‍ഗനിര്‍ദേശങ്ങള്‍ പാലിച്ച് 30 ലക്ഷത്തോളം കുട്ടികള്‍ക്ക് ഒരേ സമയം പരീക്ഷ നടത്തുന്നത് അപ്രായോഗികവുമാണ്. അതിനാല്‍ നിരന്തര മൂല്യനിര്‍ണയം ഉള്‍പ്പെടെയുള്ളവയുടെ അടിസ്ഥാനത്തില്‍ ക്ലാസ് കയറ്റം നല്‍കാനാണ് തീരുമാനം.

ഇതോടൊപ്പം ഓണ്‍ലൈന്‍ ക്ലാസുകളുടെ ഭാഗമായി വിദ്യാര്‍ത്ഥികള്‍ക്ക് നല്‍കിയ പ്രോജക്ടുകളും പരിഗണിക്കും. കൂടാതെ വിദ്യാര്‍ത്ഥികള്‍ക്ക് വര്‍ക്ക് ഷീറ്റുകള്‍ നല്‍കും. സര്‍വ ശിക്ഷാ കേരള തയാറാക്കിയ വര്‍ക്ക് ഷീറ്റുകള്‍ക്ക് കരിക്കുലം കമ്മിറ്റി അംഗീകാരം നല്‍കി. ഇത് വിദ്യാര്‍ത്ഥികള്‍ക്ക് നല്‍കുകയും തിരികെ വാങ്ങി വിലയിരുത്തുകയും ചെയ്യും.