Agriculture

Entertainment

January 31, 2023

BHARATH NEWS

Latest News and Stories

കുറ്റ്യാടിയില്‍ ഇടത് തന്നെ: കെ.പി. കുഞ്ഞമ്മദ് കുട്ടി സ്ഥാനാര്‍ത്ഥി

കോഴിക്കോട്: കുറ്റ്യാടി സീറ്റില്‍ എല്‍ ഡി എഫ് സ്ഥാനാര്‍ത്ഥി തന്നെ ജനവിധി തേടും. സി പി എം സ്ഥാനാര്‍ത്ഥിയായി കെ.പി. കുഞ്ഞമ്മദ് കുട്ടി മത്സരിക്കും. പ്രാദേശിക വികാരം തള്ളേണ്ടതില്ലെന്ന ജില്ലാ സെക്രട്ടേറിയറ്റിന്റെ നിലപാടനുസരിച്ചാണ് എല്‍ ഡി എഫ് സ്ഥാനാര്‍ത്ഥി തന്നെ മത്സരിക്കുന്നത്. സി പി ഐ എം ജില്ലാ സെക്രട്ടേറിയറ്റ് തീരുമാനം സംസ്ഥാന കമ്മിറ്റി അംഗീകരിച്ചു.

കേരളാ കോണ്‍ഗ്രസ് വിട്ടുനല്‍കിയ സീറ്റിലാണ് കെ.പി. കുഞ്ഞമ്മദ് കുട്ടി മത്സരിക്കുക. കുറ്റ്യാടിയില്‍ രൂപപ്പെട്ട സവിശേഷമായ രാഷ്ട്രീയ സാഹചര്യത്തിലാണ് സീറ്റ് സിപിഐഎമ്മിന് വിട്ടുനല്‍കാന്‍ തീരുമാനിച്ചിരിക്കുന്നതെന്നാണ് കേരളാ കോണ്‍ഗ്രസ് എം ചെയര്‍മാന്‍ ജോസ് കെ.മാണി അറിയിച്ചത്.

കുറ്റ്യാടി മണ്ഡലം എല്‍ഡിഎഫിന്റെ വിജയം ഉറപ്പുള്ള മണ്ഡലമാണെന്ന് കെ.പി. കുഞ്ഞമ്മദ് കുട്ടി പറഞ്ഞു. വലിയ ആത്മവിശ്വാസത്തോടെയാണ് തെരഞ്ഞെടുപ്പിനെ നേരിടുക. പ്രവര്‍ത്തകര്‍ വലിയ ആവേശത്തിലാണ്. മണ്ഡലത്തിന്റെ എല്ലാ ഭാഗവും സുപരിതമാണ്. ഇത് മുതല്‍ക്കൂട്ടായി മാറുമെന്നും കെ.പി. കുഞ്ഞമ്മദ് കുട്ടി പറഞ്ഞു. നേരത്തെ സീറ്റ് കേരളാ കോണ്‍ഗ്രസിന് നല്‍കിയതിനെതിരെ പ്രവര്‍ത്തകര്‍ പരസ്യമായി രംഗത്ത് എത്തിയിരുന്നു.