Agriculture

Entertainment

January 28, 2023

BHARATH NEWS

Latest News and Stories

സ്പീക്കര്‍ പി ശ്രീരാമകൃഷ്ണനെതിരായ സ്വപ്‌ന സുരേഷിന്റെ മൊഴി പുറത്ത്

കൊച്ചി: സ്വര്‍ണക്കടത്ത് കേസില്‍ സ്പീക്കര്‍ ശ്രീരാമകൃഷ്ണനെതിരായുള്ള പ്രതി സ്വപ്‌ന സുരേഷിന്റെ മൊഴി പുറത്ത്. സ്പീക്കര്‍ ശ്രീരാമകൃഷ്ണന്‍ ഒമാന്‍ മിഡില്‍ ഈസ്റ്റ് കോളേജിന്റെ ശാഖ ഷാര്‍ജയില്‍ ആരംഭിക്കാന്‍ പദ്ധതിയിട്ടെന്നാണ് സ്വപ്ന മൊഴി നല്‍കിയിരിക്കുന്നത്. എന്‍ഫോഴ്‌സ്‌മെന്റ് ഡയറക്ടറേറ്റ് ഹൈക്കോടതിയില്‍ നല്‍കിയ ഹര്‍ജിക്കൊപ്പം സമര്‍പ്പിച്ച സ്വപ്നയുടെ മൊഴിയിലാണ് ഇക്കാര്യങ്ങള്‍ പറയുന്നത്.

മിഡില്‍ ഈസ്റ്റ് കോളേജിന്റെ ശാഖ ഷാര്‍ജയില്‍ ആരംഭിക്കാനായിരുന്നു സ്പീക്കറുടെ നീക്കം. സ്ഥാപനത്തിന് സൗജന്യമായി ഭൂമി ലഭിക്കാന്‍ ഷാര്‍ജ ഭരണാധികാരിയുമായി സ്പീക്കര്‍ തിരുവനന്തപുരത്ത് വെച്ച് കൂടിക്കാഴ്ച നടത്തി. ഈ കൂടിക്കാഴ്ചയില്‍ ഭൂമി നല്‍കാമെന്ന് വാക്കാല്‍ ഉറപ്പുകിട്ടിയെന്നും സ്വപ്നയുടെ മൊഴിയില്‍ ചൂണ്ടിക്കാണിക്കുന്നു.

സ്പീക്കര്‍ ഇക്കാര്യത്തില്‍ താല്‍പ്പര്യമെടുക്കാന്‍ കാരണം അദ്ദേഹത്തിന് മിഡില്‍ ഈസ്റ്റ് കോളേജില്‍ നിക്ഷേപമുണ്ടായിരുന്നതു കൊണ്ടാണെന്നും സ്വപ്‌നയുടെ മൊഴിയില്‍ പറയുന്നു. അതുകൊണ്ടുതന്നെ കോളേജിന്റെ ശാഖകള്‍ വര്‍ധിപ്പിക്കാന്‍ പദ്ധതിയിട്ടതിന്റെ ഭാഗമായിട്ടായിരുന്നു ഈ നീക്കം നടത്തിയത്. അവിടുത്തെ കാര്യങ്ങള്‍ നോക്കിനടത്താന്‍ താനാണ് മികച്ചയാളെന്ന് പറഞ്ഞതായും സ്വപ്നയുടെ മൊഴിയിലുണ്ട്.