Agriculture

Entertainment

January 31, 2023

BHARATH NEWS

Latest News and Stories

തിരഞ്ഞെടുപ്പ് സമയത്ത് ശബരിമല വിഷയത്തില്‍ വിവാദത്തിനില്ലെന്ന് സീതാറാം യെച്ചൂരി

കാസര്‍കോട്: തിരഞ്ഞെടുപ്പ് കാലത്ത് ശബരിമല വിഷയം സംബന്ധിച്ച് ഒരു വിവാദത്തിനുമില്ലെന്ന് സിപിഎം ജനറല്‍ സെക്രട്ടറി സീതാറാം യെച്ചൂരി. തിരഞ്ഞെടുപ്പില്‍ ഇടത് മുന്നണിയെ ജയിപ്പിക്കേണ്ടത് ചരിത്ര ദൗത്യമാണ്. ശബരിമല വിഷയത്തില്‍ ഒരിക്കല്‍ അന്തിമ വിധി വന്നാല്‍ അത് സമൂഹത്തിലെ എല്ലാവരുമായി ചര്‍ച്ച ചെയ്ത ശേഷമേ നടപ്പാക്കൂവെന്നും അദ്ദേഹം പറഞ്ഞു. ഇടത് മുന്നണി സമ്മേളന ശേഷം കാസര്‍കോട് മാദ്ധ്യമ പ്രവര്‍ത്തകരോട് സംസാരിക്കുകയായിരുന്നു അദ്ദേഹം.

കേന്ദ്ര ഏജന്‍സികള്‍ക്കെതിരെയും യെച്ചൂരി ഇന്ന് വിമര്‍ശനം ഉന്നയിച്ചു. ഭരണഘടനാ വിരുദ്ധമായി കേന്ദ്ര ഏജന്‍സികള്‍ സര്‍ക്കാരിനെ ആക്രമിക്കുകയാണെന്നും സംസ്ഥാനത്ത് ഭരണ തുടര്‍ച്ചയുണ്ടാകുമെന്നും അദ്ദേഹം പറഞ്ഞു. 600 ല്‍ 580 വാഗ്ദാനങ്ങളും ഇടതു സര്‍ക്കാര്‍ നടപ്പാക്കി. മറ്റ് സര്‍ക്കാരുകളെ വച്ചുനോക്കുമ്പോള്‍ ഇത് റെക്കോര്‍ഡാണ്.

കര്‍ഷക സമരത്തിനെതിരെ കേന്ദ്രസര്‍ക്കാര്‍ നടത്തുന്ന പ്രവര്‍ത്തനങ്ങള്‍ വിമര്‍ശിച്ച യെച്ചൂരി ബിജെപി രാജ്യത്തിന്റെ സംസ്‌കാരം നശിപ്പിക്കാനും വൈവിദ്ധ്യം ഇല്ലാതാക്കാനും ശ്രമിക്കുന്നെന്നും ആരോപിച്ചു.