കൊച്ചിയില്‍ ശക്തമായ കാറ്റും മഴയും; കാറിന് മുകളിലേക്ക് മരം വീണ് നാശനഷ്ടം

കൊച്ചി: ശക്തമായ കാറ്റിനെ തുടര്‍ന്ന് കൊച്ചിയില്‍ മരം വീണ് നാശനഷ്ടം. വൈകിട്ടോടെയാണ് ശക്തമായ കാറ്റും മഴയും ഉണ്ടായത്. അംബേദ്കര്‍ സ്റ്റേഡിയത്തിന് മുന്‍പില്‍ നിര്‍ത്തിയിട്ടിരുന്ന കാറിന് മുകളിലേക്കാണ് മരം വീണത്. കാല്‍നടയാത്രക്കാര്‍ക്കും പരിക്കേറ്റിട്ടുണ്ട്.

മരം വീണതിനെ തുടര്‍ന്ന് വൈദ്യുതി പോസ്റ്റുകളും ഒടിഞ്ഞുവീണു. വൈദ്യുതിബന്ധം തടസപ്പെട്ടിരിക്കുകയാണ്. റോഡിലേക്ക് വലിയ മരക്കൊമ്പുകളും ചില്ലകളും ഉള്‍പ്പെടെ കിടക്കുന്നതിനാല്‍ വന്‍ ഗതാഗത കുരുക്കും ഉണ്ടായിട്ടുണ്ട്. അഗ്‌നിശമനസേന സ്ഥലത്തെത്തിയിട്ടുണ്ട്.

റെയില്‍വേ ട്രാക്കിലും മരം വീണിട്ടുണ്ട്. ട്രാക്കില്‍ മരം വീണതിനെ തുടര്‍ന്ന് തിരുവനന്തപുരം വഞ്ചിനാട് സ്‌പെഷ്യല്‍ ട്രെയിന്‍ ഉള്‍പ്പെടെ എറണാകുളത്ത് നിന്ന് പുറപ്പെടേണ്ട ചില ട്രെയിനുകള്‍ വൈകുന്നതായി റിപ്പോര്‍ട്ടുണ്ട്.