Agriculture

Entertainment

January 31, 2023

BHARATH NEWS

Latest News and Stories

സണ്ണി ലിയോണ്‍ വീണ്ടും മലയാളസിനിമയില്‍

ബോളിവുഡ് സൂപ്പര്‍ താരം സണ്ണി ലിയോണ്‍ വീണ്ടും മലയാളസിനിമയില്‍ വേഷമിടുന്നു. കുട്ടനാടന്‍ മാര്‍പാപ്പയ്ക്ക് ശേഷം ശ്രീജിത്ത് വിജയന്‍ സംവിധാനം ചെയ്യുന്ന ”ഷീറോ” എന്ന സൈക്കളോജിക്കല്‍ ത്രില്ലറില്‍ നായികാ വേഷത്തിലാണ് സണ്ണി ലിയോണ്‍ വേഷമിടുന്നത്.

മലയാളം അടക്കമുള്ള ദക്ഷിണേന്ത്യന്‍ ഭാഷകളിലാണ് ചിത്രം ഒരുങ്ങുന്നത്. ദക്ഷിണേന്ത്യയിലെ പ്രമുഖ താരങ്ങളും ചിത്രത്തിലുണ്ടെന്നാണ് റിപ്പോര്‍ട്ട്. ചിത്രത്തിന്റെ ആദ്യ പോസ്റ്ററും മോഷന്‍ പോസ്റ്ററും കൊച്ചിയില്‍ നടന്ന ചടങ്ങില്‍ പുറത്തിറക്കി.

ഇക്കിഗായ് മോഷന്‍ പിക്‌ച്ചേഴ്‌സിന്റെ ബാനറില്‍ അന്‍സാരി നെക്സ്റ്റല്‍, രവി കിരണ്‍ എന്നിവര്‍ ചേര്‍ന്നാണ് ചിത്രം നിര്‍മിക്കുന്നത്. ദക്ഷിണേന്ത്യയിലെ പ്രമുഖ ടെക്‌നീഷ്യന്‍മാരും സിനിമയ്ക്കു വേണ്ടി അണിനിരക്കും.