Agriculture

Entertainment

January 31, 2023

BHARATH NEWS

Latest News and Stories

ഈജിപ്തില്‍ ട്രെയിനുകള്‍ തമ്മില്‍ കൂട്ടിയിടിച്ച് 32 മരണം

കെയ്‌റോ: ദക്ഷിണ ഈജിപ്തില്‍ ട്രെയിനുകള്‍ തമ്മില്‍ കൂട്ടിയിടിച്ച് 32 പേര്‍ മരിച്ചു. രക്ഷാപ്രവര്‍ത്തനം പുരോഗമിക്കുന്നതായി ഈജിപ്ഷ്യന്‍ ആരോഗ്യമന്ത്രാലയം അറിയിച്ചു. വെള്ളിയാഴ്ച സൊഹാഗ് പ്രവിശ്യയിലെ തഹ്ത ജില്ലയിലാണ് അപകടം നടന്നത്.

ഒരേ ലൈനില്‍ വന്ന ട്രെയിനുകളാണ് ഇടിച്ചത്. മുന്നില്‍ പോയ ട്രെയിനില്‍ ഒരാള്‍ അപായച്ചങ്ങല വലിച്ചതാണ് അപകടത്തിനു കാരണമായതെന്ന് പറയുന്നു. ട്രെയിന്‍ പെട്ടെന്ന് നിര്‍ത്തിയപ്പോള്‍ പിന്നാലെ വന്ന ട്രെയിന്‍ ഇടിക്കുകയായിരുന്നു.

36 ആംബുലന്‍സുകുകള്‍ സംഭവസ്ഥലത്ത് എത്തി പരിക്കേറ്റവരെ ആശുപത്രിയില്‍ പ്രവേശിപ്പിച്ചതായി ആരോഗ്യമന്ത്രാലയം വ്യക്തമാക്കി. 32 പേര്‍ മരിച്ചതായും 69 പേര്‍ക്ക് പരിക്കേറ്റതായും അധികൃതര്‍ അറിയിച്ചു. കൂട്ടിയിടിയില്‍ മൂന്ന് ട്രെയിനുകള്‍ പാളം തെറ്റിയതായും റിപ്പോര്‍ട്ടുകള്‍ ഉണ്ട്.