Agriculture

Entertainment

August 18, 2022

BHARATH NEWS

Latest News and Stories

ഹൈക്കോടതി ആവശ്യപ്പെട്ടിട്ടും കേരളത്തില്‍ എന്തുകൊണ്ട് ലൗജിഹാദ് നിരോധന നിയമം നടപ്പാക്കുന്നില്ലെന്ന് യോഗി ആദിത്യനാഥ്

പത്തനംതിട്ട: ലൗ ജിഹാദ് തടയണമെന്ന് ഹൈക്കോടതി ആവശ്യപ്പെട്ടിട്ടും എന്തുകൊണ്ടാണ് കേരളത്തില്‍ ലൗ ജിഹാദ് നിരോധന നിയമം നടപ്പാക്കാത്തതെന്ന് ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥ്. എസ്ഡിപിഐ, പോപ്പുലര്‍ ഫ്രണ്ട് പോലുള്ള സംഘടനകള്‍ക്ക് വളരാന്‍ വേദിയൊരുക്കുന്നത് പിണറായി വിജയനണ്.

തീവ്ര സംഘടനകളുമായി സിപിഎമ്മിന്റെ അവിശുദ്ധ ബന്ധം കേരളത്തിന്റെ പൊതു സുരക്ഷയെ ബാധിക്കുമെന്നും യോഗി ആരോപിച്ചു. ഉത്തര്‍പ്രദേശ് ഇതിനകം തന്നെ വിധി നടപ്പാക്കിയെന്നും അദ്ദേഹം കൂട്ടിച്ചേര്‍ത്തു. അടൂരിലെ എന്‍ഡിഎ സ്ഥാനാര്‍ഥി പന്തളം പ്രതാപന്റെ തിരഞ്ഞെടുപ്പു പ്രചാരണത്തിന് എത്തിയതായിരുന്നു യുപി മുഖ്യമന്ത്രി.

മുഖ്യമന്ത്രി ജോലി കൊടുക്കുന്നത് പ്രിയപ്പെട്ടവര്‍ക്കും പാര്‍ട്ടി നോക്കിയുമാണ്. പാവപ്പെട്ട ചെറുപ്പക്കാര്‍ക്ക് ഇവിടെ തൊഴിലില്ല. ഇടതുപക്ഷ സര്‍ക്കാര്‍ കര്‍ഷകരേയും മത്സ്യത്തൊഴിലാളികളേയും വഞ്ചിച്ചുവെന്നും യോഗി പറഞ്ഞു. മുന്നണികള്‍ മാറി മാറി ഭരിച്ചിട്ടും യഥാര്‍ഥ വികസനം കേരളത്തിലില്ല. സ്വര്‍ണക്കടത്തിന്റെ കേന്ദ്രം മുഖ്യമന്ത്രിയുടെ ഓഫിസാണെങ്കില്‍ മറ്റു മന്ത്രിമാരുടെ ഓഫിസിന്റെ സ്ഥിതി എന്താണെന്നും അദ്ദേഹം ചോദിച്ചു.