Agriculture

Entertainment

August 18, 2022

BHARATH NEWS

Latest News and Stories

ആവേശക്കടലുയര്‍ത്തി കോന്നിയില്‍ പ്രധാനമന്ത്രി നരേന്ദ്ര മോദിയുടെ തെരഞ്ഞെടുപ്പ് പ്രചാരണം

പത്തനംതിട്ട: കോന്നിയെ അക്ഷരാര്‍ത്ഥത്തില്‍ ആവേശക്കടലാക്കി മാറ്റി പ്രധാനമന്ത്രി നരേന്ദ്രമോദിയുടെ തെരഞ്ഞെടുപ്പ് പ്രചാരണം. ശരണം വിളികളോടെയാണ് കോന്നിയിലെ തെരഞ്ഞെടുപ്പ് പ്രചാരണം നരേന്ദ്രമോദി ആരംഭിച്ചത്. പത്തനംതിട്ടയിലെ ക്ഷേത്രങ്ങളുടെ പേരുകള്‍ പറഞ്ഞ് തുടങ്ങിയ അദ്ദേഹം അയ്യപ്പഭഗവാന്റെ ആത്മീയതയുടെ മണ്ണിലെത്താന്‍ കഴിഞ്ഞതില്‍ സന്തോഷമുണ്ടെന്നും കൂട്ടിച്ചേര്‍ത്തു.

ശബരിമല വിഷയവും ഇടത്-വലത് മുന്നണികളുടെ അഴിമതി രാഷ്ട്രീയവുമാണ് പ്രധാനമന്ത്രി പ്രധാനമായും ഉയര്‍ത്തിക്കാട്ടിയത്. ഇടതു സര്‍ക്കാര്‍ അയ്യപ്പഭക്തരെ ആക്രമിച്ചെന്നും പുണ്യ കേന്ദ്രങ്ങള്‍ തകര്‍ക്കാന്‍ ഏജന്റുമാരെ വിടുകയാണെന്നും മോദി പറഞ്ഞു. പ്രസംഗത്തിലുടനീളം കേരളത്തിലെ യുഡിഎഫ് എല്‍ഡിഎഫ് മുന്നണികളെ രൂക്ഷ ഭാഷയില്‍ വിമര്‍ശിച്ച മോദി കേരളത്തിന്റെ രാഷ്ട്രീയ സാഹചര്യം മാറിയെന്നും ജനങ്ങള്‍ എന്‍ഡിഎ ഭരണത്തെ സ്വീകരിക്കാന്‍ തയ്യാറായിക്കഴിഞ്ഞെന്നും പറഞ്ഞു.

എസ് ഡി പി ഐ, പോപ്പുലര്‍ ഫ്രണ്ട് അടക്കമുള്ളവരുമായി എല്‍ഡിഫ്-യുഡിഫ് മുന്നണികളഅ# ധാരണ ഉണ്ടാക്കുകയാണ്. സോളാര്‍, സ്വര്‍ണ്ണക്കടത്ത്, ബാര്‍ക്കോഴ എന്നിവ ഉന്നയിച്ച മോദി ഇരു മുന്നണികളും ചേര്‍ന്ന് എല്ലാ മേഖലയും കൊള്ളയടിക്കുകയാണെന്നും കുറ്റപ്പെടുത്തി. അടിയന്തിരാവസ്ഥക്കെതിരെ വിവിധ ആശയത്തില്‍ വിശ്വസിച്ചവര്‍ മുമ്പ് ഒന്നിച്ചു. സമാനമായ വികാരമാണ് കേരളത്തില്‍ ഇപ്പോള്‍ കാണുന്നത്. ബിജെപിയെ അധികാരത്തിലേറ്റാന്‍ കേരളം തയ്യാറായിക്കഴിഞ്ഞു. ദില്ലിയിലിരുന്ന് രാഷ്ട്രീയ വിശകലനം നടത്തുന്നവര്‍ കേരളത്തിലെ ജനക്കൂട്ടം കാണുന്നില്ലെന്നും പ്രധാനമന്ത്രി കൂട്ടിച്ചേര്‍ത്തു.

ജനങ്ങള്‍ എല്‍ഡിഎഫ് യുഡിഫ് മുന്നണികളെ വേണ്ടെന്ന് തീരുമാനിച്ചു കഴിഞ്ഞു. ദേശീയ ജനാധിപത്യ സഖ്യത്തെ ജനങ്ങള്‍ ആഗ്രഹിക്കുന്നു. കേരളത്തില്‍ പ്രൊഫഷണലുകള്‍ ബിജെപിയിലേക്ക് കടന്നു വരുന്നു’. മെട്രോമാന്‍ ഇ ശ്രീധരന്‍ അടക്കം ഇതിന് ഉദാഹരണമാണെന്ന് പറഞ്ഞ അദ്ദേഹം ഇ ശ്രീധരന്‍ കേരളാ രാഷ്ട്രീയത്തിന്റെ ഗതി മാറ്റുന്നയാളാകുമെന്നും കൂട്ടിച്ചേര്‍ത്തു.

നിഷ്‌ക്കളങ്കരായ ഭക്തര്‍ ക്രിമിനലുകളല്ല. ഭാരതീയ സംസ്‌ക്കാരത്തെ തെറ്റായി ചിത്രീകരിച്ചു. നാടിന്റെ സംസ്‌ക്കാരത്തെ ചവിട്ടി മെതിക്കാന്‍ അനുവദിക്കില്ല. എല്ലാവരേയും ഉള്‍ക്കൊള്ളുന്നതാണ് ബിജെപിയുടെ കാഴ്ചപ്പാട്. കമ്മ്യൂൂണിസം കാട്ടുതീ പോലെയാണ്. എല്ലാവരേയും വിഴുങ്ങിക്കളയും. ലോകം തള്ളിയ പ്രത്യയ ശാസ്ത്രമാണെന്ന് പരിഹസിച്ച മോദി കമ്യൂണിസ്റ്റുകാരുടെ കള്ളങ്ങള്‍ അധികകാലം വിലപ്പോകില്ലെന്നും അദ്ദേഹം പറഞ്ഞു.