Agriculture

Entertainment

August 18, 2022

BHARATH NEWS

Latest News and Stories

പിണറായി അനുമതി നിഷേധിച്ച പത്മനാഭന്റെ മണ്ണില്‍ തലയെടുപ്പോടെ മോദിയെത്തി; ഗ്യാലറി മോദി വിളികളാല്‍ മുഖരിതം

തിരുവനന്തപുരം: പിണറായി സര്‍ക്കാര്‍ അനുമതി നിഷേധിച്ച ശ്രീപത്മനാഭന്റെ മണ്ണില്‍ തലയെടുപ്പോടെ പ്രധാനമന്ത്രി നരേന്ദ്രമോദി. പിണറായി അനുമതി നിഷേധിച്ച അതേ കാര്യവട്ടം ഗ്രീന്‍ഫീല്‍ഡ് സ്റ്റേഡിയത്തിലാണ് തിരഞ്ഞെടുപ്പ് പ്രചാരണത്തിനായി മോദി എത്തിയത്.

ഊഷ്മള സ്വീകരണമാണ് പ്രധാനമന്ത്രിയ്ക്ക് അനന്തപുരി നല്‍കിയത്. പതിനായിരങ്ങള്‍ തിങ്ങിനിറഞ്ഞ ഗ്യാലറി മോദി വിളികളാല്‍ മുഖരിതമായി. തിരുവനന്തപുരം ജില്ലയിലെ 14 നിയോജക മണ്ഡലത്തിലെയും സ്ഥാനാര്‍ഥികള്‍ വേദിയില്‍ പ്രധാനമന്ത്രിയ്ക്ക് ഒപ്പം ഉണ്ടായിരുന്നു.

തിരുവനന്തപുരത്ത് പ്രധാനമന്ത്രിയുടെ പരിപാടിക്ക് അനുമതി ചോദിച്ച ഗ്രൗണ്ടുകളിലൊന്നും തന്നെ അനുമതി നല്‍കാതെ തികച്ചും നിഷേധാത്മക നിലപാടാണ് സംസ്ഥാന സര്‍ക്കാര്‍ സ്വീകരിച്ചത്. ഇത് ഏറെ വിവാദങ്ങള്‍ക്ക് വഴിവെച്ചിരുന്നു. ആശങ്കകള്‍ക്കൊടുവില്‍ തെരഞ്ഞെടുപ്പ് കമ്മീഷന്‍ ഇടപെട്ടാണ് തിരുവനന്തപുരത്തെ വേദി ഒരുക്കുന്ന കാര്യത്തില്‍ തീരുമാനമായത്. പ്രധാനമന്ത്രിയ്ക്ക് തെരഞ്ഞെടുപ്പ് പെരുമാറ്റച്ചട്ടം ബാധകമല്ലെന്നിരിക്കെയായിരുന്നു സംസ്ഥാന സര്‍ക്കാരിന്റെ നിഷേധാത്മക നിലപാട്.