Agriculture

Entertainment

August 8, 2022

BHARATH NEWS

Latest News and Stories

തിരുവനന്തപുരത്ത് പുതിയ ചരിത്രമെഴുതാന്‍ തയ്യാറായി കൃഷ്ണകുമാര്‍

തിരുവനന്തപുരം: തിരുവനന്തപുരത്ത് ഇടത് വലത് മുന്നണികളെ ഞെട്ടിച്ച് എന്‍ ഡി എ സ്ഥാനാര്‍ത്ഥി കൃഷ്ണകുമാറിന്റെ അപ്രതീക്ഷിത നീക്കം. വലിയതുറ തുറമുഖ സമിതി നേതാക്കളെ ഒപ്പം കൂട്ടി ബി ജെ പി സ്ഥാനാര്‍ത്ഥി കൃഷ്ണകുമാര്‍ നടത്തിയ വാര്‍ത്താസമ്മേളനം കണ്ട് ഇരു മുന്നണികളും അമ്പരന്നിരിക്കുകയാണ്.

ഇത്തവണ കൃഷ്ണകുമാറിനാണ് തീരദേശത്തിന്റെ പിന്തുണയെന്ന് തുറമുഖ സമിതി നേതാക്കള്‍ വാര്‍ത്താ സമ്മേളനത്തില്‍ പരസ്യമായി പ്രഖ്യാപിക്കുകയും ചെയ്തു കഴിഞ്ഞു. വലിയതുറയില്‍ മിനി ഫിഷിംഗ് ഹാര്‍ബര്‍ നിര്‍മിക്കണമെന്ന തീരദേശവാസികളുടെ രണ്ടു പതിറ്റാണ്ടുകളായുള്ള ആവശ്യം നിറവേറ്റാന്‍ കൃഷ്ണകുമാറിനേ കഴിയു എന്നും തീരദേശവാസികള്‍ പറയുന്നു.

കൂടാതെ തീരദേശ മേഖലയായ വലിയ തുറയില്‍ നിന്ന് കോണ്‍ഗ്രസ്സ് വിട്ടു ബി ജെ പി യില്‍ ചേര്‍ന്നവരെ കേന്ദ്രമന്ത്രി വി മുരളീധരന്‍ സ്വീകരിച്ചു. ജില്ലാ കോണ്‍ഗ്രസ്സ് കമ്മിറ്റി അംഗം ഫ്രാന്‍സിസ് ആല്‍ബര്‍ട്ട്, ആദ്യകാല കോണ്‍ഗ്രസ്സ് പ്രവര്‍ത്തകന്‍ സേവ്യര്‍ ഡിക്രൂസ് ബാബുരാജ് രാജ് മണ്ഡലം ജനറല്‍ സെക്രട്ടറി വിജയന്‍ കോണ്‍ഗ്രസ് ബൂത്ത് പ്രസിഡന്റ് റഹീദ് രാജു, ഹഫ്‌സല്‍ ഗാന്ധി ദര്‍ശന്‍ യുവജന സമിതി അംഗങ്ങള്‍ എന്നിവരുടെ നേതൃത്വത്തില്‍ അന്‍പതോളം പ്രവര്‍ത്തകരാണ് ബി.ജെ.പിയിലേക്ക് ചേര്‍ന്നത്.