സംസ്ഥാനത്തെ പോളിംഗ് ശതമാനം 73.58 ശതമാനം

തിരുവനന്തപുരം: നിയമസഭാ തെരഞ്ഞെടുപ്പിന്റെ വോട്ടെടുപ്പ് അവസാനിച്ചു. ഏറ്റവും ഒടുവില്‍ ലഭിച്ച അനൗദ്യോഗിക കണക്ക് പ്രകാരം ആകെ പോളിംഗ് ശതമാനം 73.58 ശതമാനമാണ്. 77.9 ശതമാനവുമായി കോഴിക്കോടാണ് ഏറ്റവും കൂടുതല്‍ പോളിങ് രേഖപ്പെടുത്തിയത്. ഏറ്റവും കുറവ് പോളിങ് പത്തനംതിട്ടയിലാണ് 68.09 ശതമാനം. 2016 ലെ നിയമസഭ തിരഞ്ഞെടുപ്പില്‍ 77.35 ശതമാനം ആണ് പോളിങ് രേഖപ്പെടുത്തിയിരുന്നത്.

ഇനി കേരളം ആരു ഭരിക്കുമെന്നറിയാന്‍ മെയ് രണ്ടുവരെയുള്ള കാത്തിരിപ്പാണ്. സംസ്ഥാനത്ത് റെക്കോര്‍ഡ് വിജയത്തോടെ എല്‍ ഡി എഫ് തുടര്‍ഭരണം ഉറപ്പാക്കുമെന്ന് പിണറായി വിജയന്‍ പറയുമ്പോള്‍, ഭരണമാറ്റത്തിന് വഴിയൊരുക്കി യു ഡി എഫ് അധികാരത്തില്‍ വരുമെന്നാണ് മുന്‍ മുഖ്യമന്ത്രി ഉമ്മന്‍ചാണ്ടി ഉറപ്പിച്ചു പറഞ്ഞത്. കേരളം ആരു ഭരിക്കണമെന്ന് ബിജെപി തീരുമാനിക്കുമെന്ന് ബിജെപി സംസ്ഥാന അദ്ധ്യക്ഷന്‍ കെ സുരേന്ദ്രനും പ്രതികരിച്ചിട്ടുണ്ട്.

പോളിംഗ് ശതമാനം ജില്ല തിരിച്ചുള്ള കണക്കുകള്‍ ഇങ്ങനെ
തിരുവനന്തപുരം – 69.77

കൊല്ലം – 72.66

പത്തനംതിട്ട – 66.94

ആലപ്പുഴ – 74.16

കോട്ടയം – 71.70

ഇടുക്കി – 70.09

എറണാകുളം – 73.80

തൃശൂര്‍ – 73.42

പാലക്കാട് – 75.88

മലപ്പുറം – 73.57

കോഴിക്കോട് – 78.14

വയനാട് – 74.33