Agriculture

Entertainment

August 18, 2022

BHARATH NEWS

Latest News and Stories

തൃശൂര്‍ പൂരത്തിന് വിളംബരമായി; നെയ്തലക്കാവ് ഭഗവതി തെക്കേഗോപുര നട തള്ളി തുറന്നു

തൃശൂര്‍: തൃശൂര്‍ പൂരത്തിന് വിളംബരമായി. നെയ്തലക്കാവ് ഭഗവതി തെക്കേഗോപുര നട തള്ളി തുറന്നതോടെ 36 മണിക്കൂര്‍ നീണ്ടു നില്‍ക്കുന്ന പൂരത്തിന് തുടക്കമായി. തെച്ചിക്കോട്ടുകാവ് രാമചന്ദ്രന് പകരം എറണാകുളം ശിവകുമാറാണ് ഇത്തവണ നെയ്തലക്കാവിലമ്മയുടെ തിടമ്പേറ്റി വന്ന് തെക്കേ ഗോപുരനട തള്ളി തുറന്നത്. കൊച്ചി രാജവംശത്തിന് നെയ്തലക്കാവ് ക്ഷേത്രവുമായുള്ള ആത്മബന്ധമാണ് ഈ ചടങ്ങിന്റെ ആധാരം. ഘടകപൂരങ്ങള്‍ക്ക് വടക്കുന്നാഥക്ഷേത്രത്തില്‍ പ്രവേശിക്കാനുള്ള അനുവാദം വാങ്ങാനാണ് നെയ്തലക്കാവിലമ്മ എഴുന്നള്ളുന്നതെന്നാണ് സങ്കല്‍പം.

രാവിലെ എട്ടുമണിക്ക് നെയ്തലക്കാവില്‍ നിന്നും തിടമ്പേറ്റി എറണാകുളം ശിവകുമാര്‍ വടക്കുന്നാഥനിലേക്ക് എഴുന്നള്ളി. കോവിഡ് നിയന്ത്രണങ്ങളുടെ ഭാഗമായി 50 പേര്‍ മാത്രമാണ് എഴുന്നള്ളിപ്പിനൊപ്പം ഉണ്ടായിരുന്നത്. ഇതില്‍ 17 പേര്‍ മേളക്കാരായിരുന്നു. ബാക്കിയുള്ളവര്‍ ദേശക്കാരും സംഘാടകരുമാണ്. ഇന്ന് ആളുകള്‍ക്ക് സ്വരാജ് റൗണ്ടില്‍ വരുന്നതിന് വിലക്കോ നിയന്ത്രണങ്ങളോ ഇല്ല. എന്നാല്‍ തേക്കിന്‍കാട് മൈതാനത്തേക്ക് ആരെയും കടത്തിവിടില്ല.