അരവിന്ദ് കേജിർവാളിന്റെ ചിറകരിഞ്ഞ് കേന്ദ്രം

ന്യൂഡല്‍ഹി: ‘ദി ഗവര്‍മെന്റ് ഓഫ് നാഷണല്‍ കാപ്പിറ്റല്‍ ടെറിറ്ററി ഓഫ് ഡല്‍ഹി ഭേദഗതി’ നിയമം ഡല്‍ഹിയില്‍ നിലവില്‍ വന്നു. പുതിയ നിയമ പ്രകാരം ഡല്‍ഹി സർക്കാറിന് അധികാരം നിയന്ത്രിതമാക്കി. ഡൽഹി സർക്കാറെന്നാൽ എന്നാല്‍ ഡല്‍ഹി ലെഫ്റ്റ. ഗവര്‍ണര്‍ എന്നതാണ് നിയമ വ്യവസ്ഥ. ഡല്‍ഹി സര്‍ക്കാരിന്റെ എല്ലാ നിര്‍ണായക തീരുമാനങ്ങള്‍ക്കും ലെഫ്. ഗവര്‍ണറുടെ അനുമതി വേണം. വിവാദ വ്യവസ്ഥകള്‍ കാരണം ഏറെ തര്‍ക്കങ്ങള്‍ക്കിടെയാണ് ഇതുമായി ബന്ധപ്പെട്ട ബില്‍ പാര്‍ലമെന്റില്‍ പാസായത്.

കേന്ദ്രത്തോട് വിവിധ വിഷയങ്ങളിൽ ഏറ്റുമുട്ടൽ നടത്തി കൊണ്ടിരുന്ന കെജീർ വാളിന്റെ ചിറകരിഞ്ഞ നിയമ വ്യവസ്ഥയാണ് തലസ്ഥാനത്ത് വരാൻ പോകുന്നത്.

ഓക്സിജന്‍ ക്ഷാമം അടക്കമുള്ള വിഷയങ്ങളില്‍ കേന്ദ്രത്തെ കുറ്റപ്പെടുത്തുന്ന ആംആദ്മി പാര്‍ട്ടി സര്‍ക്കാരിന് മൂക്ക്കയറിടാന്‍ നിയമം ഉപകരിക്കും. കൊവിഡ് പ്രതിരോധവുമായി ബന്ധപ്പെട്ട സുപ്രധാന തീരുമാനങ്ങള്‍ ലെഫ്. ജനറലുമായി ആലോചിക്കാതെ ഡല്‍ഹി സര്‍ക്കാരിന് ഒറ്റയ്ക്കെടുക്കാനാകില്ല.

സുപ്രീംകോടതി വിധിക്കനുസൃതമായാണ് നിയമം രൂപീകരിച്ചതെങ്കിലും സംസ്ഥാന സര്‍ക്കാരിന്റെ അധികാരങ്ങള്‍ പൂര്‍ണമായി ഇല്ലാതാക്കിയത് വിവാദമായിട്ടുണ്ട്. പാര്‍ലമെന്റിന്റെ ഇരു സഭകളിലും ബില്ലിനെതിരെ പ്രതിപക്ഷം ബഹളമുണ്ടാക്കിയതും അതു ചൂണ്ടിക്കാട്ടിയാണ്.

പ്രധാന വ്യവസ്ഥകള്‍:

1.മന്ത്രിസഭയെടുക്കുന്ന പ്രധാന തീരുമാനങ്ങള്‍ക്ക് ലെഫ്.ഗവര്‍ണറുടെ അനുമതി നിര്‍ബന്ധം.

2. നിയമസഭയുടെ ചട്ടങ്ങള്‍ രൂപീകരിക്കുന്നതില്‍ നിയന്ത്രണം. സര്‍ക്കാരിന് സ്വയം നിയമങ്ങള്‍ നിര്‍മ്മിക്കാനാകില്ല. നിയമങ്ങള്‍ ലോക്സഭയിലെ നടപടിക്രമങ്ങള്‍ക്ക് വിധേയം.

3. സംസ്ഥാന സര്‍ക്കാരിന്റെ ദൈനംദിന ഭരണകാര്യങ്ങള്‍ക്കുള്ള നിയമങ്ങള്‍ നിര്‍മ്മിക്കാനാകില്ല.

4. ഭരണപരമായ തീരുമാനങ്ങളുമായി ബന്ധപ്പെട്ട് അന്വേഷണത്തിന് ഉത്തരവിടാനും പരിമിതി