തിരുവാതിര

ഇരുപത്തി ഏഴ് നക്ഷത്രങ്ങളില്‍ ആറാമത്തെ നക്ഷത്രമാണ് തിരുവാതിര. ഭഗവാന്‍ പരമേശ്വരന്റെ നക്ഷത്രമാണ് ഇത്. തിരുവാതിര നക്ഷത്രക്കാരുടെ ഗണം- മാനുഷവും നക്ഷത്രം -സ്ത്രീയും മൃഗം – ശ്വാവ്, വൃക്ഷം– കരിമരം, പക്ഷി- ചെമ്പോത്ത്, ഭൂതം-ജലം എന്നിവയാണ്.
സ്വന്തം കാര്യങ്ങൾക്ക് മുൻതൂക്കം കൊടുക്കുന്നവരായിരിക്കും തിരുവാതിര നക്ഷത്രത്തിൽ ജനിക്കുന്നവർ. പൊതുകാര്യങ്ങളിൽ ഇടപെടുന്ന ഇവർക്ക് മറച്ചുവച്ച ലക്ഷ്യവും ഉണ്ടാകുന്നത് സ്വാഭാവികമാണ്. കർമ്മ ശേഷിയും പ്രായോഗിക ബുദ്ധിയുമുള്ള ഇവർക്ക് സത്യസന്ധതയും ആത്മാർത്ഥതയും മുന്നിട്ടു നിൽക്കും. അധികം ആളുകളുമായി അടുക്കാനിഷ്ടപ്പെടാത്ത ഇവർ മത്സരങ്ങളിൽ നിന്നും അകന്നു നിൽക്കുന്നവരുമായിരിക്കാം.

പരിശ്രമങ്ങളിൽക്കൂടി വിജയം കൈവരി ക്കുന്ന ഇവർ സാമ്പത്തികമായി മുന്നേറുക സ്വാഭാവികമാണ്. തിരുവാതിര നാളുകാർക്ക് പത്ത് വയസ്സു വരെ രോഗങ്ങൾ വരാനുളള സാധ്യതയുണ്ട്. പത്ത് മുതൽ ഇരുപത്തി ആറു വരെ ജോലി വിദ്യഭാസം എന്നിവയിൽ വിജയം നേടും. നാൽപ്പത്തി അഞ്ചു വയസ്സ് വരെയുള്ള കാലത്ത് സാമ്പത്തിക നേട്ടവും കൂട്ടത്തിൽ കുടുംബ ബന്ധത്തിൽ അസ്വസ്ഥതകളും ഉണ്ടാകാൻ സാധ്യതയുണ്ട്. അറുപത്തി അഞ്ചു വയസ്സ് വരെ ഗുണദോഷ മിശ്രജീവിതവും അറുപത്തി അഞ്ചു മുതൽ എഴുപത് വരെ രോഗങ്ങളും ശേഷം സന്തോഷകര ജീവിതവും ഫലം.