Agriculture

Entertainment

December 2, 2022

BHARATH NEWS

Latest News and Stories

ജനശതാബ്ദി ഉള്‍പ്പെടെ നാല് തീവണ്ടികള്‍ കൂടി റദ്ദാക്കി

തിരുവനന്തപുരം: ജനശതാബ്ദി ഉള്‍പ്പെടെ നാല് ട്രെയിന്‍ സര്‍വീസ് കൂടി റദ്ദാക്കി. കോവിഡ് ലോക്ക്ഡൗണ്‍ പ്രഖ്യാപിച്ചതോടെ യാത്രക്കാര്‍ കുറഞ്ഞതിനെ തുടര്‍ന്നാണ് നടപടി. കോഴിക്കോട്-തിരുവനന്തപുരം -കോഴിക്കോട് ജനശതാബ്ദി സ്‌പെഷ്യല്‍, എറണാകുളം-കണ്ണൂര്‍-എറണാകുളം ഇന്റര്‍സിറ്റി എന്നീ തീവണ്ടികളാണ് ജൂണ്‍ ഒന്നു മുതല്‍ 15 വരെ റദ്ദാക്കിയത്.

നേരത്തെ റദ്ദാക്കിയ ഷൊര്‍ണ്ണൂര്‍-തിരുവനന്തപുരം- ഷൊര്‍ണ്ണൂര്‍ വേണാട് സ്‌പെഷ്യല്‍, എറണാകുളം-തിരുവനന്തപുരം-എറണാകുളം വഞ്ചിനാട് സ്‌പെഷ്യല്‍, ആലപ്പുഴ-കണ്ണൂര്‍-ആലപ്പുഴ എക്‌സിക്യൂട്ടീവ് സ്‌പെഷ്യല്‍, പുനലൂര്‍-ഗുരുവായൂര്‍-പുനലൂര്‍ സ്‌പെഷ്യല്‍, ഗുരുവായൂര്‍-തിരുവനന്തപുരം-ഗുരുവായൂര്‍ ഇന്റര്‍സിറ്റി എക്‌സ്പ്രസ് എന്നിവയുടെ സര്‍വീസും ജൂണ്‍ ഒന്നു മുതല്‍ 15 വരെ റദ്ദാക്കിയിട്ടുണ്ട്.

മംഗളൂരു-തിരുവനന്തപുരം-മലബാര്‍ സ്‌പെഷ്യല്‍ ജൂണ്‍ ഒന്നുമുതല്‍ 15വരെ, തിരുവനന്തപുരം-മംഗളൂരു സ്‌പെഷ്യല്‍ രണ്ടു മുതല്‍ 16 വരെ, തിരുവനന്തപുരം-കണ്ണൂര്‍ ജനശതാബ്ദി സ്‌പെഷ്യല്‍ രണ്ടു മുതല്‍ 14 വരെ, കണ്ണൂര്‍-തിരുവനന്തപുരം ജനശതാബ്ദി മൂന്നു മുതല്‍ 15 വരെ, ചെന്നൈ-ആലപ്പുഴ പ്രതിദിന സ്‌പെഷ്യല്‍ ജൂണ്‍ ഒന്നു മുതല്‍ 15 വരെ, ആലപ്പുഴ-ചെന്നൈ സ്‌പെഷ്യല്‍ രണ്ടു മുതല്‍ 16 വരെ എന്ന ക്രമത്തിലും റദ്ദാക്കി.

പ്രതിവാര തീവണ്ടികളായ കൊച്ചുവേളി-മംഗളൂരു (അന്ത്യോദയ) സ്‌പെഷ്യല്‍ ജൂണ്‍ 3, 5, 10, 12 തീയതികളിലും, മംഗളൂരു-കൊച്ചുവേളി സ്‌പെഷ്യല്‍ 4, 6, 11, 13 തീയതികളിലും തിരുവനന്തപുരം-ചെന്നൈ സ്‌പെഷ്യല്‍ 5, 12 തീയതികളിലും ചെന്നൈ -തിരുവനന്തപുരം സ്‌പെഷ്യല്‍ തീവണ്ടി 6, 13 തീയതികളിലും സര്‍വീസ് റദ്ദാക്കിയിട്ടുണ്ട്.