Agriculture

Entertainment

August 8, 2022

BHARATH NEWS

Latest News and Stories

അഫ്ഗാനിസ്ഥാനിൽ താലിബാൻ പിടിമുറുക്കി. ആയിരങ്ങൾ പലായനം ചെയ്യുന്നു.

കാബൂള്‍: താലിബാന്‍ തീവ്രവാദികളുടെ ആക്രമണത്തില്‍ നിന്ന് രക്ഷ തേടി അഫ്ഗാനിസ്ഥാനില്‍ കൂട്ട പാലായനം. മുന്‍ താലിബാന്‍ കേന്ദ്രമായിരുന്ന കാണ്ഡഹാറില്‍ നിന്ന് ഒരു മാസത്തിനിടെ 22,000 ത്തോളം കുടുംബങ്ങളാണ് സുരക്ഷിത വാസസ്ഥാനം തേടി പാലായനം ചെയ്തതെന്ന് അധികൃതര്‍ വ്യക്തമാക്കി. യുഎസ് സേന അഫ്ഗാനില്‍ നിന്ന് പിന്മാറ്റം പ്രഖ്യാപിച്ചതോടെ താലിബാന്‍ തീവ്രവാദികള്‍ അഫ്ഗാന്‍ ഭരണകുടത്തിനെതിരെ പോരാട്ടം ശക്തമാക്കുകയായിരുന്നു.

അഫ്ഗാനിലെ നിരവധി ജില്ലകള്‍, അതിര്‍ത്തി പ്രദേശങ്ങള്‍, പ്രവിശ്യ തലസ്ഥാനങ്ങള്‍ എന്നിവ താലിബാന്‍ പിടിച്ചെടുത്തു. കാണ്ഡഹാറില്‍ താലിബാന്‍ തീവ്രവാദികള്‍ അതിശക്തമായ അക്രമണം ആണ് നടത്തുന്നത്. കടുത്ത സ്ത്രി വിരുദ്ധ നിലപാടുള്ള താലിബാന്റെ നിയന്ത്രണത്തിലാണ് അഫ്ഗാനിസ്ഥാന്റെ മിക്ക പ്രവിശ്യകളും.

പാക്കിസ്ഥാനിൽ നിന്നുമെത്തിയ പതിനഞ്ചായിരത്തോളം ഭീകരരുടെ പിൻബലത്തിലാണ് താലിബാൻ മുന്നേറുന്നത്. പക്ക് ചാര സംഘടനയുടെ നിർലോഭ പിന്തുണയും താലിബാന് ലഭിക്കുന്നുണ്ട്. താലിബാന്റെ പിടിയിലമർന്ന പ്രദേശങ്ങളിൽ വ്യാപകമായ കൊള്ളയും കൊലപാതകങ്ങളും സ്ത്രീകളെ മാനഭംഗം ചെയ്ത സംഭവങ്ങളും വിവിധ മാധ്യമങ്ങൾ റിപ്പോർട്ട് ചെയ്തിട്ടുണ്ട്.