Agriculture

Entertainment

September 22, 2021

BHARATH NEWS

Latest News and Stories

ഗുരുവായൂര്‍ ക്ഷേത്രത്തില്‍ 5000 പേര്‍ക്ക് ഓണ്‍ലൈന്‍ ബുക്കിങ്ങിലൂടെ ദര്‍ശനം അനുവദിക്കും

ഗുരുവായൂര്‍: ക്ഷേത്രത്തില്‍ ഇന്നു മുതല്‍ 5000 പേര്‍ക്ക് ഓണ്‍ലൈന്‍ ബുക്കിങ്ങിലൂടെ ദര്‍ശനം അനുവദിക്കുമെന്നു ദേവസ്വം ചെയര്‍മാന്‍ കെ.ബി.മോഹന്‍ദാസ് അറിയിച്ചു. ഇപ്പോള്‍ 2000 പേര്‍ക്ക് അനുമതിയുണ്ടെങ്കിലും ബുക്ക് ചെയ്യുന്നവരില്‍ പകുതി പേര്‍ പോലും എത്തുന്നില്ല. വരാന്‍ ആഗ്രഹിക്കുന്നവര്‍ക്ക് അവസരം ലഭിക്കാനാണ് എണ്ണം വര്‍ധിപ്പിച്ചതെന്ന് അദ്ദേഹം പറഞ്ഞു.

ക്ഷേത്രത്തില്‍ ഇന്ന് 88 വിവാഹങ്ങള്‍ നടക്കും. തിരക്കു നിയന്ത്രിക്കാന്‍ ഇന്നര്‍ റിങ് റോഡില്‍ രാവിലെ 6 മുതല്‍ വണ്‍വേ ആക്കും. ഭക്തരുടെ വാഹനങ്ങള്‍ നിര്‍ബന്ധമായും ദേവസ്വത്തിന്റെ ബഹുനില പാര്‍ക്കിങ് കെട്ടിടത്തില്‍ പാര്‍ക്ക് ചെയ്യണമെന്ന് ടെംപിള്‍ സ്റ്റേഷന്‍ ഓഫിസര്‍ സി.പ്രേമാനന്ദകൃഷ്ണന്‍ അറിയിച്ചു. 29, 30, സെപ്റ്റംബര്‍ ഒന്ന്, 12 തീയതികളില്‍ 80 വിവാഹങ്ങള്‍ ബുക്ക് ചെയ്തിട്ടുണ്ട്.