Agriculture

Entertainment

December 5, 2022

BHARATH NEWS

Latest News and Stories

സഞ്ജു സാംസണ്‍ ഇന്ത്യന്‍ ടീമില്‍

മുംബൈ: മലയാളി ക്രിക്കറ്റ് താരം സഞ്ജു സാംസണ്‍ ഇന്ത്യന്‍ ടീമില്‍ ഇടം നേടി. അടുത്ത മാസം ഇന്ത്യയില്‍ വെസ്റ്റ് ഇന്‍ഡീസിനെതിരേ നടക്കുന്ന ട്വന്റി20 ടീമിലേക്കാണ് വിക്കറ്റ് കീപ്പറായ സഞ്ജുവിനെ പരിഗണിച്ചത്. സയ്യിദ് മുഷ്താഖ് അലി ട്രോഫിക്കിടെ പരിക്കേറ്റ ബാറ്റ്‌സ്മാന്‍ ശിഖര്‍ ധവാന് പകരമാണ് സഞ്ജുവിനെ ടീമിലെടുത്തത്. ബിസിസിഐ ഇന്ന് പുറത്ത് വിട്ട വാര്‍ത്താക്കുറിപ്പില്‍ ഇക്കാര്യം വ്യക്തമാക്കിയത്. ഡിസംബര്‍ ആറിന് ഹൈദരാബാദിലാണ് വിന്‍ഡീസിനെതിരായ ആദ്യ ട്വന്റി 20 മത്സരം.

സയ്യിദ് മുഷ്താഖ് അലി ട്രോഫിയില്‍ ഡല്‍ഹിക്കുവേണ്ടി കളിക്കുമ്പോഴാണ് ധവാന് ഇടത്തേ കാല്‍മുട്ടിന് പരിക്കേറ്റത്. മഹാരാഷ്ട്രക്കെതിരായ മത്സരത്തിനിടെ ക്രീസിലെത്താന്‍ നടത്തിയ മുഴുനീള ഡൈവിനിടെ ബാറ്റിന്റെ ഒരു ഭാഗം പൊട്ടി കാല്‍ മുട്ടില്‍ തറക്കുകയായിരുന്നു. പിന്നീട് മുട്ടിന് തുന്നലിടേണ്ടി വന്നിരുന്നു. പരിക്ക് ഭേദമാകാന്‍ സമയമെടുക്കുമെന്ന് വ്യക്തമായതോടെയാണ് ധവാന്റെ പകരക്കാരനായി സഞ്ജു ടീമില്‍ ഇടം നേടിയത്.