Agriculture

Entertainment

August 9, 2022

BHARATH NEWS

Latest News and Stories

യു. പി യിൽ പെര്‍ഫ്യൂം വ്യാപാരിയുടെ വീട്ടില്‍ നിന്നും 150 കോടിയുടെ കള്ളപ്പണം കണ്ടെടുത്തു .

ലക്‌നൗ: ഉത്തര്‍പ്രദേശിലെ കാണ്‍പൂരിലുള്ള ബിസിനസുകാരനായ പീയുഷ് ജെയിനിന്റെ വീട്ടിലും ഓഫിസുകളിലും നടത്തിയ പരിശോധനയില്‍ 150 കോടിയുടെ കള്ളപ്പണം കണ്ടെടുത്തായി ജി എസ് ടി വിഭാഗം അറിയിച്ചു.”ഇൻവോയ്‌സോ നികുതിയോ ഇല്ലാതെയാണ് ത്രിമൂർത്തി ഫ്രാഗ്രൻസ് പ്രവർത്തിക്കുന്നതെന്ന് ഞങ്ങൾക്ക് വിവരം ലഭിച്ചു. ഞങ്ങൾ അവരുടെ മൂന്ന് സ്ഥാപനങ്ങളിൽ തിരച്ചിൽ നടത്തി ഏകദേശം 150 കോടി രൂപ കണ്ടെടുത്തു. ഇത് CBIC യുടെ ചരിത്രത്തിലെ എക്കാലത്തെയും വലിയ വീണ്ടെടുക്കലാണ്,” സെൻട്രൽ ബോർഡ് ചെയർമാൻ വിവേക് ​​ജോഹ്‌രി പറഞ്ഞു

വ്യാഴാഴ്ചയായിരുന്നു പരിശോധന. നികുതിവെട്ടിപ്പിനെ തുടര്‍ന്ന് ആനന്ദ് പുരിയിലുള്ള ഇദ്ദേഹത്തിന്‍്റെ വീട്ടില്‍ ജി എസ് ടി വകുപ്പിന്റെ നേതൃത്വത്തിലായിരുന്നു ആദ്യ പരിശോധന. പിന്നീട് ആദായ നികുതി വകുപ്പും പരിശോധനയില്‍ ചേരുകയായിരുന്നു.

നികുതി അടയ്ക്കാതെ വ്യാജ കമ്ബനിയുടെ ഇന്‍വോയ്‌സുകള്‍ ഉണ്ടാക്കിയാണ് ഇയാള്‍ ജിഎസ് ടി തട്ടിപ്പ് നടത്തിയിരിക്കുന്നതെന്ന് ജി എസ് ടി വകുപ്പ് പറയുന്നു. ഇത്തരം 50,000 രൂപയുടെ 200 ലധികം ഇന്‍വോയ്‌സുകളും കണ്ടെത്തിയെന്നും അധികൃതര്‍ വ്യക്തമാക്കി. കാണ്‍പൂര്‍, മുംബൈ, ഗുജറാത് എന്നിവിടങ്ങളാണ് പെര്‍ഫ്യൂം വ്യാപാരിയായ പീയുഷ് ജെയിനിന്റെ ബിസിനസ് മേഖല.സിബിഐസിയുടെ സംഘങ്ങൾ നിലവിൽ വ്യവസായി പിയൂഷ് ജെയിനിന്റെ വിവിധ സ്ഥലങ്ങളിൽ പണം എണ്ണുകയാണ്. പീയൂഷ് ജെയിനിന്റെ മകൻ പ്രത്യുഷ് ജെയിനെ ഡിജിസിഐ അധികൃതർ കസ്റ്റഡിയിലെടുത്തതായി മാധ്യമങ്ങൾ റിപ്പോർട്ട് ചെയ്യുന്നു.

ജെയിനിന്റെ വീട്ടില്‍നിന്നും സ്ഥാപനങ്ങളില്‍നിന്നുമായി പിടിച്ചെടുത്ത പണം എണ്ണിത്തിട്ടപ്പെടുത്തി കഴിഞ്ഞിട്ടില്ലെന്ന് ദേശീയ മാധ്യമങ്ങള്‍ റിപോര്‍ട് ചെയ്യുന്നു. കോടിക്കണക്കിന് രൂപയുടെ നോടുക്കെട്ടുകള്‍ ഉദ്യാഗസ്ഥര്‍ക്ക് എണ്ണി മടുത്തിരിക്കുകയാണെന്നാണ് പുറത്തു വരുന്ന വാര്‍ത്ത.