Agriculture

Entertainment

January 31, 2023

BHARATH NEWS

Latest News and Stories

നിയമസഭാ തെരഞ്ഞെടുപ്പ്; സംസ്ഥാനങ്ങളോട് വാക്‌സിനേഷന്‍ വേഗത്തിലാക്കാന്‍ നിര്‍ദ്ദേശം നല്‍കി തെരഞ്ഞെടുപ്പ് കമ്മീഷന്‍.

ന്യൂഡല്‍ഹി: നിയമസഭാ തെരഞ്ഞെടുപ്പ് നടക്കാനിരിക്കുന്ന അഞ്ച് സംസ്ഥാനങ്ങള്‍ക്കും കത്തയച്ച്‌ കേന്ദ്ര തെരഞ്ഞെടുപ്പ് കമ്മീഷന്‍.സംസ്ഥാനങ്ങളിലെ ചീഫ് സെക്രട്ടറിമാര്‍ക്ക് വാക്‌സിനേഷന്‍ വേഗത്തിലാക്കണമെന്നാവശ്യപ്പെട്ടാണ് കത്തയച്ചത്.

കൊറോണ പ്രതിരോധ പ്രവര്‍ത്തനങ്ങള്‍ ഊര്‍ജ്ജിതമാക്കാനും കത്തില്‍ നിര്‍ദ്ദേശമുണ്ട്.

ഉത്തര്‍പ്രദേശ്,ഉത്തരാഖണ്ഡ്,മണിപ്പൂര്‍,പഞ്ചാബ്,ഗോവ എന്നീ സംസ്ഥാനങ്ങളിലാണ് തെരഞ്ഞെടുപ്പ് നടക്കാനുള്ളത്. കൊറോണ കേസുകള്‍ വ്യാപിക്കുന്ന സാഹചര്യത്തിലും ഒമിക്രോണ്‍ ബാധിരുടെ എണ്ണത്തിലുണ്ടാവുന്ന വര്‍ദ്ധനവും കണക്കിലെടുത്താണ് തെരഞ്ഞെടുപ്പ് കമ്മീഷന്റെ പുതിയ നിര്‍ദ്ദേശം.

അഞ്ച് സംസ്ഥാനങ്ങളിലെയും തിരഞ്ഞെടുപ്പ് മാറ്റിവയ്‌ക്കില്ലെന്ന് നേരത്തെ വ്യക്തമാക്കിയിരുന്നു. തെരഞ്ഞെടുപ്പ് കമ്മീഷന്‍ തിങ്കളാഴ്ച കേന്ദ്ര ആരോഗ്യ സെക്രട്ടറി രാജേഷ് ഭൂഷണുമായി കൂടിക്കാഴ്ച നടത്തുകയും അഞ്ച് സംസ്ഥാനങ്ങളിലെ വാക്‌സിനേഷന്‍ നിലയോടൊപ്പം വര്‍ദ്ധിച്ചുവരുന്ന കൊറോണ കേസുകള്‍ ചര്‍ച്ച ചെയ്യുകയും ചെയ്തിരുന്നു.