ഗല്‍വാനില്‍ ചൈനീസ്​ സേനക്ക്​ മറുപടിയായി ത്രിവര്‍ണപതാക ഉയര്‍ത്തി ഇന്ത്യന്‍ സേന.

ലഡാക്ക് . ഗാൽവാൻ താഴ്‌വരയിൽ വീണ്ടും ഇന്ത്യ ശക്തി തെളിയിച്ചു . അടുത്തിടെ ഗാൽവൻ താഴ്‌വരയിൽ പതാക ഉയർത്തുമെന്ന് അവകാശപ്പെട്ട് ചൈന ഒരു വീഡിയോ പുറത്തുവിട്ടിരുന്നു. ചൈനക്കുള്ള മറുപടിയായി ഗാൽവാനിൽ ത്രിവർണ പതാക ഉയർത്തുന്നതിന്റെ വീഡിയോ ഇന്ത്യൻ സൈന്യം പുറത്തുവിട്ടു. പുതുവർഷത്തിൽ ഇന്ത്യൻ സൈനികർ ഗാൽവാനിൽ ത്രിവർണ പതാക ഉയർത്തുന്നത് കാണാം. , ചിത്രങ്ങളിൽ 30 സൈനികർ ത്രിവർണ്ണ പതാക യേന്തിയത് . പട്ടാളക്കാർ ആയുധങ്ങൾ വഹിച്ചി ട്ടുണ്ട് . ഒരു ത്രിവർണ്ണ പതാക ഇന്ത്യൻ പോസ്റ്റിലും മറ്റേ ത്രിവർണ്ണ പതാക സൈനികരുടെ കൈകളിലുമാണ്.

”ധീരരായ ഇന്ത്യന്‍ സേനാംഗങ്ങള്‍” എന്ന വിശേഷണത്തോടെ കേന്ദ്ര നീതിന്യായ മന്ത്രി കിരണ്‍ റിജിജുവും ഈ ചിത്രങ്ങള്‍ സമൂഹമാധ്യമങ്ങളില്‍ പോസ്റ്റു ചെയ്തു.

പുതുവര്‍ഷത്തില്‍ തങ്ങളുടെ ജനതക്ക്​ ആശംസകള്‍ നേരുന്നുവെന്ന്​ പറഞ്ഞാണ്​, ഗല്‍വാന്‍ താഴ്വരയുടെ ഒരുഭാഗത്ത്​ ചൈനീസ്​ സേന അവരുടെ ദേശീയപതാക ഉയര്‍ത്തുന്നതിന്‍റെ വിഡിയോ ദൃശ്യങ്ങള്‍ കഴിഞ്ഞ ദിവസം പുറത്തുവിട്ടത്​. 30 ഇന്ത്യന്‍ സൈനികര്‍ ദേശീയപതാകയേന്തി നില്‍ക്കുന്ന ദൃശ്യമാണ്​ പ്രതിരോധവൃത്തങ്ങള്‍ ​ചൊവ്വാഴ്ച പുറത്തുവിട്ടത്​. ജനുവരി ഒന്നിനുതന്നെയുള്ള ചിത്രങ്ങളാണെന്നാണ്​ ബന്ധപ്പെട്ട കേന്ദ്രങ്ങള്‍ വിശദീകരിക്കുന്നത്​.

2020 മേയ്​ മുതല്‍ ഇന്ത്യ-ചൈന സംഘര്‍ഷം തുടരുന്ന പ്രദേശമാണ്​ ഗല്‍വാന്‍ താഴ്വര. കിഴക്കന്‍ ലഡാക്കും വടക്കന്‍ സിക്കിമും അടക്കം 10 അതിര്‍ത്തി പ്രദേശങ്ങളില്‍ പുതുവര്‍ഷാശംസകളുടെ ഭാഗമായി ജനുവരി ഒന്നിന്​ ഇന്ത്യ-ചൈന സേനകള്‍ പരസ്പരം മധുരം കൈമാറിയിരുന്നു. ഇതിനുപിന്നാലെയാണ്​ ഇരു രാജ്യങ്ങളുടെയും ‘പതാക ഉയര്‍ത്തല്‍’ ശക്തിപ്രകടനം. ചൈന പതാക ഉയര്‍ത്തിയത്​ തീര്‍ത്തും അവരുടെ മേഖലയിലാണെന്നും, സംഘര്‍ഷം ഒഴിവാക്കുന്നതിനായി ഒഴിച്ചിട്ട ബഫര്‍ സോണില്‍ നിന്ന്​ അകലെയാണിതെന്നും ഇന്ത്യന്‍ വൃത്തങ്ങള്‍ വിശദീകരിച്ചു.

പാങ്​ങോങ്ങ്​ തടാകതീരത്ത്​ നടന്ന രക്​തരൂഷിത സംഘട്ടനങ്ങള്‍ക്കുശേഷം ഇരു രാജ്യങ്ങളും മേഖലയില്‍ തങ്ങളുടെ സൈനികസാന്നിധ്യം വന്‍തോതില്‍ വര്‍ധിപ്പിച്ചിരിക്കുകയാണ്​.