Agriculture

Entertainment

January 31, 2023

BHARATH NEWS

Latest News and Stories

കോവിഡ് പോളിസി തുടങ്ങി കൈ പൊള്ളി ഇൻഷുറൻസ് കമ്പനികൾ . മിക്ക കമ്പനികളും പിൻമാറി .

കോഴിക്കോട് . കോവിഡ്‌ ഇന്‍ഷുറന്‍സ്‌ പോളിസി പുതുക്കുന്നതും പുതിയവ നല്‍കുന്നതും ഇന്‍ഷുറന്‍സ്‌ കമ്ബനികള്‍ നിര്‍ത്തി.വന്‍ സാമ്ബത്തിക ബാധ്യതയാണു കാരണം. ഒമിക്രോണ്‍ പോലുള്ള പുതിയ വകഭേദങ്ങള്‍ വരുന്ന സാഹചര്യത്തിലാണു ഇന്‍ഷുറന്‍സ്‌ കമ്ബനികളുടെ ഒളിച്ചോട്ടം. കോവിഡ്‌ അതിവ്യാപനമുള്ളതിനാല്‍, നിരവധി പേര്‍ കോവിഡ്‌ പോളിസി നീട്ടിയെടുക്കാന്‍ താല്‍പര്യം കാണിക്കുന്നുണ്ടെങ്കിലും നാലു പൊതുമേഖലാ ഇന്‍ഷുറന്‍സ്‌ കമ്ബനികള്‍ക്കും താല്‍പര്യമില്ല. ഔദ്യോഗികമായി പ്രഖ്യാപിച്ചിട്ടില്ലെങ്കിലും എല്ലാ ശാഖകള്‍ക്കും നിര്‍ദേശം നല്‍കിക്കഴിഞ്ഞു.
കോവിഡ്‌ പോളിസികളുടെ പ്രീമിയം കുറവായിരുന്നതും നഷ്‌ടകാരണമായി. മൂന്നുമാസ പോളിസിക്കു 350 രൂപ അധികത്തുക നല്‍കുന്ന ഒരു രോഗിക്കു 50,000 രൂപയുടെ കവറേജാണു ലഭിച്ചത്‌. രോഗികളുടെ എണ്ണം കുത്തനെ ഉയര്‍ന്നതോടെ കമ്ബനികള്‍ക്കിതു താങ്ങാന്‍ കഴിയാത്തതായി. പ്രായം ചെന്നവര്‍ക്കു ഒമ്ബതു മാസക്കാല പോളിസിയായിരുന്നു. മെഡിക്ലെയ്‌മായി 50,000 രൂപ മുതല്‍ ഒമ്ബതു ലക്ഷം രൂപവരെ കൊടുക്കേണ്ടതായി വന്നു.
മുമ്ബ്‌, മരണനിരക്കു കുറവായിരുന്നു, എന്നാല്‍ മരണനിരക്ക്‌ ഉയരുമ്ബോള്‍ ക്ലെയിമുകള്‍ നല്‍കാന്‍ പ്രീമിയംതുക പര്യാപ്‌തമല്ലാത്ത സ്‌ഥിതിയാണ്‌. കോവിഡ്‌ വെറും ജലദോഷമോ പനിയോ അല്ലെന്നും ഇതു ശരീരത്തിന്റെ മറ്റു ഭാഗങ്ങളെയും അവയവങ്ങളെയും പ്രത്യേകിച്ചു ശ്വാസകോശത്തെയും നശിപ്പിക്കുന്നുവെന്നുമാണു ഇന്‍ഷുറന്‍സ്‌ കമ്ബനികളുടെ വാദം.
കോവിഡ്‌ ചികില്‍സയ്‌ക്കായി ആശുപത്രികള്‍ വന്‍തുക വാങ്ങുന്നുവെന്ന പരാതികളുടെ അടിസ്‌ഥാനത്തില്‍ കോടതിയും ശക്‌തമായ നിര്‍ദേശങ്ങള്‍ നല്‍കിയതോടെ നിശ്‌ചയിച്ച പ്രീമിയം തുക വലിയ നഷ്‌ടമാണുണ്ടാക്കിയത്‌. സര്‍ക്കാര്‍ ചികില്‍സാ നിരക്കു നിജപ്പെടുത്തിയതും കൂടുതല്‍ രോഗികള്‍ ഗവ. ആശുപത്രികളെ ആശ്രയിച്ചതും പ്രതിരോധ വാക്‌സിന്‍ വന്നപ്പോള്‍ ആശുപത്രികേസുകള്‍ കുറഞ്ഞതും ഇന്‍ഷുറന്‍സ്‌ കമ്ബനികള്‍ക്കു തിരിച്ചടിയായി. ചികില്‍സാ ചെലവിനു പുറമേ ഒരു സ്വകാര്യ കമ്ബനി പ്രതിദിന ബെനഫിറ്റായി ആയിരം രൂപ വീതം നല്‍കി. ഇതും വന്‍ ബാധ്യതയാണു കമ്ബനിയ്‌ക്കുണ്ടായത്‌.