73-ാമത് റിപബ്ലിക് ദിനം വര്‍ണാഭം ; പരേഡില്‍ 25 നിശ്ചല ദൃശ്യങ്ങള്‍.

ന്യൂഡല്‍ഹി: 73-ാം റിപ്പബ്ലിക് ദിനം ആഘോഷിച്ച്‌ രാജ്യം. സ്വാതന്ത്രിത്തിന്റെ 75-ാം വാര്‍ഷികത്തിന്റെ ഭാഗമായ അമൃത് മഹോത്സവത്തിനിടെയാണ് 73-ാം റിപ്പബ്ലിക് ദിനമെത്തിയത് എന്ന പ്രത്യേകതയുമുണ്ട്.

ദേശീയ യുദ്ധസ്മാരകത്തില്‍ പ്രധാനമന്ത്രി നരേന്ദ്ര മോദി പുഷ്പചക്രം അര്‍പ്പിച്ചതോടെ ആഘോഷങ്ങള്‍ക്ക് തുടക്കമായി.റിപ്പബ്ലിക് ദിനത്തില്‍ ബ്രഹ്മകമലം മുദ്രണം ചെയ്ത തൊപ്പി ധരിച്ച്‌ പ്രധാനമന്ത്രി നരേന്ദ്ര മോദി.

ഇതോടൊപ്പം അദ്ദേഹം കഴുത്തില്‍ ധരിച്ചിരുന്നത് മണിപ്പൂരി അംഗവസ്ത്രവും അദ്ദേഹം കഴുത്തില്‍ ധരിച്ചിരുന്നു.ഉത്തരാഖണ്ഡിന്റെ ഔദ്യോഗിക പുഷ്പമാണ് ബ്രഹ്മകമലം. അപൂര്‍വമായ ഈ പുഷ്പം വില്‍ക്കുന്നത് സംസ്ഥാനത്ത് നിരോധിച്ചിട്ടുണ്ട്. പ്രധാനമന്ത്രി ധരിച്ചിരിക്കുന്ന തൊപ്പിയില്‍ ബ്രഹ്മകമലം മുദ്രണം ചെയ്തിരിക്കുന്നു. തങ്ങളുടെ സംസ്ഥാനത്തിന്റെ പൈതൃകത്തെ അനുസ്മരിപ്പിക്കുന്ന തൊപ്പി അദ്ദേഹം ഈ അവസരത്തില്‍ ധരിച്ചതിന് ഉത്തരാഖണ്ഡ് മുഖ്യമന്ത്രി പുഷ്കര്‍ സിംഗ് ദാമി നന്ദി അറിയിച്ചു. 1.25 കോടി ജനങ്ങളാണ് ഉത്തരാഖണ്ഡിലുള്ളതെന്നും അവര്‍ക്കെല്ലാം വേണ്ടി താന്‍ നന്ദി പറയുന്നുവെന്ന് അദ്ദേഹം ട്വീറ്റ് ചെയ്തു.

റിപബ്ലിക് ദിനാഘോഷങ്ങളുടെ മുഖ്യ ആകര്‍ഷണമായ പരേഡിന് രാജ്പഥില്‍ തുടക്കം കുറിച്ചു. വിശിഷ്ടാതിഥികള്‍ ഇല്ലാതെയാണ് പരിപാടികള്‍. ലഫ്റ്റനന്റ് ജനറല്‍ വിജയ് കുമാര്‍ മിശ്രയാണ് പരേഡ് കമാന്‍ഡര്‍. 24,000 പേര്‍ക്കാണ് പരേഡ് കാണാന്‍ അനുമതിയുള്ളത്. 25 നിശ്ചല ദൃശ്യങ്ങള്‍ പരേഡില്‍ അണിന്നു . 75 വിമാനങ്ങളുടെ ഫ്‌ലൈ പാസ്റ്റും മത്സര പ്രക്രിയയിലൂടെ തിരഞ്ഞെടുത്ത 480 നര്‍ത്തകരുടെ പ്രകടനങ്ങളും പരേഡിലുണ്ട്. കാണികളുടെ സൗകര്യം കണക്കിലെടുത്ത് ആദ്യമായി പത്ത് വലിയ എല്‍ഇഡി സ്‌ക്രീനുകളും സ്ഥാപിച്ചിട്ടുണ്ട് .