Agriculture

Entertainment

February 3, 2023

BHARATH NEWS

Latest News and Stories

ഭാരതി എയര്‍ടെലില്‍ വൻ നിക്ഷേപിക്കാനൊരുങ്ങി ഗൂഗിള്‍ ; ലക്ഷ്യം ഇന്ത്യയിലെ 5ജി .

ന്യൂഡല്‍ഹി: മുന്‍നിര ടെലികോം കമ്ബനിയായ ഭാരതി എയര്‍ടെലില്‍ 100 കോടി ഡോളര്‍ ഏകദേശം 7,500 കോടി ഇന്ത്യന്‍ രൂപ നിക്ഷേപിക്കാനൊരുങ്ങി ഗൂഗിള്‍.

ഗൂഗിള്‍ ഫോര്‍ ഇന്ത്യ ഡിജിറ്റെസേഷന്‍ ഫണ്ടിന്റെ ഭാഗമായാണ് നിക്ഷേപം. ഇരു കമ്ബനികളും തമ്മില്‍ വിവിധ മേഖലകളില്‍ സഹകരിക്കുന്ന ദീര്‍ഘകാലത്തേക്കുള്ള ഇടപാടാണ് ഇത്.

70 കോടി നിക്ഷേപത്തിന് പകരമായി 1.28 ശതമാനം ഓഹരി പങ്കാളിത്വം എയര്‍ടെല്‍ ഗൂഗിളിന് നല്‍കും. ബാക്കിയുള്ള 30 കോടി ഡോളര്‍ മറ്റ് കരാറുകളുമായി ബന്ധപ്പെട്ടിട്ടുള്ളതാണെന്നാണ് റിപ്പോര്‍ട്ട്. ഇന്ത്യക്കാര്‍ക്കിടയില്‍ ആന്‍ഡ്രോയിഡ് സ്മാര്‍ട്ട് ഫോണിന് പ്രചാരം വര്‍ദ്ധിപ്പിക്കാനുള്ള പദ്ധതികളും കരാറുകളുടെ ഭാഗമാണ്.

കുറഞ്ഞ നിരക്കിലുള്ള ആന്‍ഡ്രോയിഡ് ഉപകരണങ്ങള്‍ ഇരു കമ്ബനികളും ചേര്‍ന്ന് വിവിധ സ്മാര്‍ട്‌ഫോണ്‍ നിര്‍മ്മാണ കമ്ബനികളുടെ പിന്തുണയോടെ ഇന്ത്യക്കാരിലെത്തിക്കും.

ഗൂഗിളും എയര്‍ടെല്ലും സഹകരിച്ചിട്ടുള്ള പദ്ധതികള്‍ എതെല്ലാം രീതിയിലുള്ളതാണെന്നും കരാറുകള്‍ പ്രാബല്യത്തില്‍ വരുന്നതോട് കൂടി എയര്‍ടെല്ലിന്റെ സേവനങ്ങളില്‍ എന്തെല്ലാം മാറ്റങ്ങള്‍ വരുമെന്നുമുള്ള വിവരങ്ങള്‍ പുറത്ത് വിട്ടിട്ടില്ല.