Agriculture

Entertainment

May 26, 2022

BHARATH NEWS

Latest News and Stories

യൂ പി മുസ്‌ലിം രാഷ്ട്രീയ പാര്‍ട്ടി ഇത്തിഹാദെ മില്ലത്ത് കൗണ്‍സില്‍ സ്ഥാപക നേതാവ് തൗഖീര്‍ റസാ ഖാന്റെ മരുമകള്‍ ബിജെപിയില്‍ ചേര്‍ന്നു.

ലക്നൗ: ഉത്തര്‍പ്രദേശിലെ മുസ്‌ലിം രാഷ്ട്രീയ പാര്‍ട്ടി ഇത്തിഹാദെ മില്ലത്ത് കൗണ്‍സില്‍ സ്ഥാപക നേതാവ് തൗഖീര്‍ റസാ ഖാന്റെ മരുമകള്‍ ബിജെപിയില്‍ ചേര്‍ന്നു.

അദ്ദേഹത്തിന്റെ മരുമകളായ നിദ ഖാനാണ് ബിജെപിയില്‍ അംഗത്വമെടുത്തത്. നിദ തന്റെ സ്വന്തം സഹോദരിയെ പോലെയാണെന്ന് കോണ്‍ഗ്രസ് ജനറല്‍ സെക്രട്ടറി പ്രിയങ്കാ ഗാന്ധി പറഞ്ഞിരുന്നു.

യു.പിയില്‍ ബിജെപി ഭരണത്തിനു കീഴില്‍ മാത്രമാണ് മുസ്‌ലിം സ്ത്രീക്ക് സുരക്ഷയുള്ളതെന്ന് അവര്‍ വെളിപ്പെടുത്തി. മുത്തലാഖിനെതിരായ ബിജെപിയുടെ പോരാട്ടമാണ് തന്നെ ഈ തീരുമാനമെടുക്കാന്‍ പ്രേരിപ്പിച്ചതെന്ന് നിദ മാധ്യമങ്ങളോട് പറഞ്ഞു. വനിതാ ശാക്തീകരണത്തിനു വേണ്ടി പ്രവര്‍ത്തിക്കുന്ന പാര്‍ട്ടിയാണ് ബിജെപിയെന്ന് അവര്‍ അഭിപ്രായപ്പെട്ടു.

തിരഞ്ഞെടുപ്പിനു മുന്നോടിയായി കോണ്‍ഗ്രസ് ആരംഭിച്ച ‘ലഡ്കി ഹൂ’, ‘ലഡ് സക്തി ഹൂ’ എന്ന ക്യാമ്ബയിന്‍ കൊണ്ട് സ്ത്രീകള്‍ക്ക് ഒരു ഉപകാരവുമില്ലെന്ന് നിദ വ്യക്തമാക്കി. രണ്ടാഴ്ച മുന്‍പ് ഭര്‍തൃപിതാവ് കോണ്‍ഗ്രസില്‍ ചേര്‍ന്നെങ്കിലും താന്‍ എപ്പോഴും ബിജെപിയെയാണ് പിന്തുണയ്ക്കുന്നതെന്നും അവര്‍ പറഞ്ഞു. ഭര്‍തൃപിതാവിനെതിരെ മുന്‍പും ആരോപണങ്ങളുമായി നിദ രംഗത്തു വന്നിട്ടുണ്ട്.