Agriculture

Entertainment

May 29, 2022

BHARATH NEWS

Latest News and Stories

ഐ എസ് തലവൻ അബു ഇബ്രാഹിം ആത്മഹത്യ ചെയ്തു.

ഡമാസ്‌കസ്:ഭീകരസംഘടനയായ ഐസിസിന്റെ തലവന്‍ അബു ഇബ്രാഹിം അല്‍ -ഹഷിമി അല്‍ – ഖുറേഷിയും പന്ത്രണ്ട് കുടുംബാംഗങ്ങളും സിറിയയില്‍ അമേരിക്കന്‍ സേന നടത്തിയ ഓപ്പറേഷനിടെ രക്ഷപ്പെടാന്‍ പഴുതില്ലാതെ ചാവേര്‍ സ്‌ഫോടനത്തില്‍ കൊല്ലപ്പെട്ടു.അബു ഇബ്രാഹം നടത്തിയ ജാക്കറ്റ് ബോംബ് സ്‌ഫോടനത്തില്‍ ആറു കുട്ടികളും നാല് സ്‌ത്രീകളും ഉള്‍പ്പെടെ കുടുംബത്തിലെ മുഴുവന്‍ പേരും മരണമടഞ്ഞു.

അമേരിക്കന്‍ സ്പെഷ്യല്‍ സേനയുടെ ഓപ്പറേഷന്‍ വൈറ്റ്ഹൗസില്‍ തല്‍സമയം വീക്ഷിച്ചശേഷം പ്രസിഡന്റ് ജോ ബൈഡനാണ് കൊടും ഭീകരന്റെ മരണം ഔദ്യോഗികമായി പ്രഖ്യാപിച്ചത്. ഐസിസ് തലവന്‍ അബു ഇബ്രാഹിം അല്‍ -ഹഷിമി അല്‍-ഖുറേഷിയെ യുദ്ധക്കളത്തില്‍ നിന്ന് ഉന്മൂലനം

ചെയ്‌തു എന്നാണ് ബൈഡന്‍ പ്രസ്താവനയില്‍ അറിയിച്ചത്.

വടക്കന്‍ സിറിയയില്‍ തുര്‍ക്കി അതിര്‍ത്തിയോട് ചേര്‍ന്ന ഇദ്‌ലിബ് പ്രവിശ്യയിലെ അത്‌മാ ഗ്രാമത്തില്‍ അബു ഇബ്രാഹിമും കുടുംബവും

താമസിച്ചിരുന്ന കെട്ടിടം ലക്ഷ്യമിട്ട് അമേരിക്കന്‍ സേന വ്യോമാക്രമണം നടത്തുമ്ബോഴാണ് ഭീകരന്‍ സ്വയം പൊട്ടിത്തെറിച്ചത്. വ്യാഴാഴ്ച പുലര്‍ച്ചെ ഹെലികോപ്റ്ററുകളില്‍ എത്തിയ യു. എസ് ഭടന്മാര്‍ കെട്ടിടത്തിന് നേരെ യന്ത്രത്തോക്കുകള്‍ ഉപയോഗിച്ച്‌ വെടിവയ്ക്കുകയും സ്ഫോടനങ്ങള്‍ നടത്തുകയും ചെയ്‌തു. ആക്രമണത്തില്‍ മുകളിലത്തെ നില തകര്‍ന്നു. രണ്ട് മണിക്കൂറോളം ഓപ്പറേഷന്‍ നീണ്ടപ്പോള്‍ മരണം മുന്നില്‍ കണ്ട അബു ഇബ്രാഹം ധരിച്ചിരുന്ന ചാവേര്‍ ജാക്കറ്റിലെ സ്ഫോടക വസ്തുക്കള്‍ സ്വയം പൊട്ടിക്കുകയായിരുന്നു.

പ്രസിഡന്റ് ബൈഡനൊപ്പം വൈസ് പ്രസിഡന്റ് കമല ഹാരീസും ദേശീയ സുരക്ഷാ ടീമിലെ ഉദ്യോഗസ്ഥരും വൈറ്റ്ഹൗസില്‍ സൈനിക ഓപ്പറേഷന്‍ തത്സമയം വീക്ഷിച്ചിരുന്നു. പിന്നീട് നടത്തിയ പ്രസ്താവനയില്‍, തന്റെ നിര്‍ദ്ദേശപ്രകാരമാണ് സൈന്യം ഭീകര വിരുദ്ധ ഓപ്പറേഷന്‍ വിജയകരമായി നടത്തിയതെന്ന് പറഞ്ഞ ബൈഡന്‍ സൈനികരുടെ ധീരതയെ അഭിനന്ദിക്കുകയും ചെയ്‌തു.

2019 ഒക്ടോബര്‍ 31നാണ് അബു ഇബ്രാഹിം ഐസിസിന്റെ തലപ്പത്തെത്തിയത്. ഐസിസ് തലവനായിരുന്ന അബൂബക്കര്‍ അല്‍ ബഗ്ദാദിയെ അമേരിക്ക വധിച്ചതിനു പിന്നാലെയായിരുന്നു ഇത്. ഡൊണാള്‍ഡ് ട്രംപ് പ്രസിഡന്റായിരുന്നപ്പോഴാണ് ബാഗ്ദാദിയെ വധിച്ചത്.ബറാക് ഒബാമ പ്രസിഡന്റായിരുന്നപ്പോള്‍ പാകിസ്ഥാനിലെ അബോട്ടാബാദില്‍ അല്‍ക്വ ഇദ ഭീകരന്‍ ഒസാമ ബിന്‍ ലാദനെ വധിച്ച ഓപ്പറേഷന് സമാനമായിരുന്നു ഇന്നലെ സിറിയയിലെ ഓപ്പറേഷന്‍. ബിന്‍ ലാദനെ വധിച്ച ഓപ്പറേഷന്‍ ഒബാമ വൈറ്റ് ഹൗസില്‍ ഇരുന്ന് വീക്ഷിച്ചിരുന്നു.