Agriculture

Entertainment

May 29, 2022

BHARATH NEWS

Latest News and Stories

ലതാ മങ്കേഷ്കര്‍ക്ക് വിട ;സംസ്കാരം ഔദ്യോഗിക ബഹുമതികളോടെ .

മുംബൈ: ഇന്ത്യയുടെ വാനമ്ബാടി ലതാമങ്കേഷ്‌കറിന് വിടചൊല്ലി രാജ്യം. ഭൗതിക ശരീരം മുംബൈ ശിവാജി പാര്‍ക്കില്‍ ഔദ്യോഗിക ബഹുമതികളോടെ സംസ്‌കരിച്ചു.

പ്രധാനമന്ത്രി നരേന്ദ്ര മോദി ശിവാജി പാര്‍ക്കിലെത്തി ആദരാഞ്ജലി അര്‍പിച്ചു. ചലചിത്ര, സംഗീത, രാഷ്ട്രീയ, സാമൂഹിക രംഗത്തെ മറ്റു പ്രമുഖരും അന്തിമോപചാരം അര്‍പ്പിക്കാനെത്തി. നൂറുകണക്കിന് ആളുകളാണ് വിലാപയാത്രയെ അനുഗമിച്ചത്. കോവിഡ് ബാധയെ തുടര്‍ന്ന് മുംബൈ ബ്രീച്ച്‌ കാന്‍ഡി ആശുപത്രിയില്‍ ചികില്‍സയിലിരിക്കെ രാവിലെ എട്ടേകാലിനാണ് ലതാമങ്കേഷ്‌കര്‍ മരിച്ചത് . 92 വയസായിരുന്നു. ഐസിയു വില്‍ ചികില്‍സയിലിരിക്കെ ന്യൂമോണിയയും ബാധിച്ചു. കഴിഞ്ഞ 29 ന് ആരോഗ്യ നിലയില്‍ പുരോഗതിയുണ്ടായതോടെ ലത മങ്കേഷ്‌കറെ വെന്റിലേറ്ററില്‍ നിന്ന് മാറ്റിയിരുന്നെങ്കിലും ഇന്നലെ നില വഷളാവുകയായിരുന്നു.

പ്രധാനമന്ത്രി നരേന്ദ്ര മോദി അടക്കമുള്ള പ്രമുഖര്‍ ശിവാജി പാര്‍ക്കിലെത്തി അന്ത്യോപചാരം അര്‍പ്പിച്ചു. വൈകിട്ട് ആറേ കാലിനാണ് അദ്ദേഹം അന്തിമോപചാരം അര്‍പ്പിച്ചത്. മുംബൈ ശിവാജി പാര്‍ക്കിലെത്തിയ മോദി, ഭൗതിക ശരീരത്തില്‍ പുഷ്പചക്രം സമര്‍പ്പിച്ചു.

മഹാരാഷ്ട്ര മുഖ്യമന്ത്രി ഉദ്ധവ് താക്കറെ ഉള്‍പ്പെടെയുള്ളവരും നേരിട്ടു പങ്കെടുത്തു. ലത മങ്കേഷ്‌കറുടെ സഹോദരിയും ഗായികയുമായ ആശാ ഭോസ്ലെ, ബോളിവുഡ് താരങ്ങളായ ഷാരൂഖ് ഖാന്‍, ശ്രദ്ധ കപൂര്‍ തുടങ്ങിയവരും സംസ്‌കാരച്ചടങ്ങുകളില്‍ നേരിട്ട് പങ്കെടുത്തു.

വൈകീട്ട് അഞ്ചേമുക്കാലോടെ വിലാപ യാത്രയായാണ് ഭൗതിക ശരീരം ശിവാജി പാര്‍ക്കിലെത്തിച്ചത്. വഴിയുലടനീളം നിരവധിയാളുകളാണ് പ്രിയപ്പെട്ട ലതാ ദീദിയെ അവസാനമായി കാണാന്‍ കാത്തുനിന്നത്.