ആശ്വാസം; ബാബുവിന്റെ രക്ഷകരായി സേന

പാലക്കാട് . മലമ്പുഴയിലെ ചെറാട് മലയിടുക്കില്‍ കുടുങ്ങിയ ബാബുവിനായുള്ള രക്ഷാപ്രവര്‍ത്തനം പൂര്‍ത്തിയായി.സൈനികനൊപ്പം റോപ്പ് വഴി മലമുകളിലെത്തി. മലമുകളിലെത്തിച്ച ബാബുവിന് പ്രാഥമിക ശുശ്രൂഷ നല്‍കി. വീഴ്ചയില്‍ ബാബുവിന്റെ കാലിന് നിസാര പരുക്കേറ്റിരുന്നു. ഇനി യുവാവിനെ താഴെയെത്തിക്കാനുള്ള ശ്രമത്തിലാണ് സൈന്യം.കരസേന സതേണ്‍ കമാന്‍ഡന്‍റ് ആണ് വിഡിയോയും ചിത്രങ്ങളും ട്വീറ്റ് ചെയ്തത്.

43 മണിക്കൂറിന് ശേഷമാണ് മലയിടുക്കില്‍ കുടുങ്ങിയ 23കാരന്‍ ബാബുവിനെ സൈനികര്‍ രക്ഷിച്ചത്. മലയുടെ ചെരുവിലൂടെ വടത്തില്‍ ഇറങ്ങിയ സൈനികര്‍ ഭക്ഷണവും വെള്ളവും നല്‍കിയ ശേഷമാണ് ബാബുവിനെ രക്ഷപ്പെടുത്തിയത്. 40 മിനിട്ട് നീണ്ട ദൗത്യത്തിനൊടുവില്‍ രാവിലെ ഒമ്ബരതോടെ ബാബുവിനെ മലയുടെ മുകളിലെത്തിക്കാന്‍ സാധിച്ചു.

കേണല്‍ ശേഖര്‍ അത്രിയുടെ നേതൃത്വത്തിലുള്ള സംഘമാണ് രക്ഷാപ്രവര്‍ത്തനം നടത്തിയത്. ചൊവ്വാഴ്ച രാത്രിയാണ് പര്‍വതാരോഹണ വിദഗ്ധര്‍ അടക്കമുള്ള കരസേനയുടെ രണ്ട് സംഘങ്ങള്‍ ബംഗളൂരുവില്‍ നിന്നും ഊട്ടി വെല്ലിങ്ടണിലില്‍ നിന്നും മലമ്ബുഴയിലെത്തിയത്.കൂടാതെ, കോസ്റ്റ്ഗാര്‍ഡ്, ദേശീയ ദുരന്ത പ്രതിരോധ സേനയുടെ 20 അംഗ സംഘവും അഗ്നിരക്ഷാസേന, പൊലീസ്, വനം വകുപ്പ് ഉദ്യോഗസ്ഥരും ദൗത്യത്തില്‍ പങ്കാളികളായി.