Agriculture

Entertainment

May 29, 2022

BHARATH NEWS

Latest News and Stories

കാലിത്തീറ്റ കുംഭകോണം. ലാലു കുറ്റക്കാരൻ . ശിക്ഷ വിധിക്കുന്നത് ഈ മാസം 18ന് .

റാഞ്ചി: ബീഹാറിലെ രാഷ്ട്രീയ കേന്ദ്രങ്ങളെ പിടിച്ചു കുലുക്കിയ അഴിമതിക്കേസുകളില്‍ ഒന്നായ കാലിത്തീറ്റ കുംഭകോണത്തില്‍ കോടതിയുടെ നിര്‍ണായക വിധി.139 കോടി രൂപയുടെ ക്രമക്കേടില്‍ ബിഹാര്‍ മുന്‍ മുഖ്യമന്ത്രിയും ആര്‍ജെഡി നേതാവുമായ ലാലു പ്രസാദ് യാദവ് കുറ്റക്കാരനാണെന്ന് കോടതി കണ്ടെത്തി. കാലിത്തീറ്റ കുംഭകോണത്തിലെ അവസാന കേസിലാണ് കോടതി വിധി പറഞ്ഞത്. 26 വര്‍ഷങ്ങള്‍ക്ക് ശേഷമാണ് വിധി പ്രസ്താവന. റാഞ്ചിയിലെ സിബിഐ പ്രത്യേക കോടതിയാണ് വിധി പറഞ്ഞത്.

ദരാണ്ട ട്രഷറിയില്‍ നിന്ന് ബിഹാര്‍ മുന്‍ മുഖ്യമന്ത്രിയ ലാലു പ്രസാദ് യാദവ് 139.35 കോടി രൂപ പിന്‍വലിച്ചതില്‍ ക്രമക്കേടുണ്ടെന്നായിരുന്നു കേസ്. ലാലു പ്രസാദ് യാദവിന്റെ രാഷ്‌ട്രീയ ജീവിതത്തെ മാറ്റിമറിച്ച അഴിമതിക്കേസായിരുന്നു കാലിത്തീറ്റ കുംഭകോണം. നേരത്തെ ഇതുമായി ബന്ധപ്പെട്ട നാല് കേസുകളിലും യാദവ് കുറ്റക്കാരനാണെന്ന് കോടതി കണ്ടെത്തിയിരുന്നു. തുടര്‍ന്ന് ജീവപര്യന്തം തടവിനാണ് ശിക്ഷിച്ചത്.

2017 മുതല്‍ മൂന്നര വര്‍ഷക്കാലം അദ്ദേഹം ജയിലില്‍ കഴിഞ്ഞു. പിന്നീട് ജാമ്യത്തിലിറങ്ങിയതിന് ശേഷാണ് കാലിത്തീറ്റ കുംഭകോണവുമായി ബന്ധപ്പെട്ട അഞ്ചാമത്തെ കേസില്‍ യാദവ് കുറ്റക്കാരനാണെന്ന് കോടതി വിധിച്ചിരിക്കുന്നത്. കേസില്‍ ആകെ 75 പ്രതികളായിരുന്നു. കേസില്‍ പൂര്‍ണമായ ശിക്ഷാവിധി ഫെബ്രുവരി 18നാണ് പ്രഖ്യാപിക്കുക.