കുമാര്‍ വിശ്വാസിന് വൈ കാറ്റഗറി സുരക്ഷ.

ഡല്‍ഹി. മുഖ്യമന്ത്രി അരവിന്ദ് കെജ്‌രിവാളിന് ഖലിസ്ഥാന്‍ വാദികളുമായി ബന്ധമുണ്ടെന്ന ആരോപണത്തിന് പിന്നാലെ മുന്‍ എ.എ.പി നേതാവ് കുമാര്‍ വിശ്വാസിന് കേന്ദ്രസര്‍ക്കാര്‍ വൈ കാറ്റഗറി സുരക്ഷ ഏര്‍പ്പെടുത്തി.

കുമാര്‍ വിശ്വാസിന്റെ ആരോപണം കോണ്‍ഗ്രസും ബി.ജെ.പിയും ഏറ്റുപിടിച്ചതോടെയാണ് പഞ്ചാബ് തെരഞ്ഞെടുപ്പില്‍ ഇത് പ്രധാന ചര്‍ച്ചാവിഷയമായത്. താന്‍ പഞ്ചാബ് മുഖ്യമന്ത്രിയോ സ്വതന്ത്ര ഖലിസ്ഥാന്റെ പ്രധാനമന്ത്രിയോ ആകുമെന്ന് കെജ്‌രിവാള്‍ പറഞ്ഞെന്നാണ് ആം ആദ്മി പാര്‍ട്ടി മുന്‍ നേതാവ് കുമാര്‍ വിശ്വസ് വെളിപ്പെടുത്തിയത്

ആം ആദ്മി പാര്‍ട്ടിക്ക് ഖലിസ്ഥാന്‍ വാദികളുമായി ബന്ധമുണ്ടെന്ന വെളിപ്പെടുത്തലില്‍ ശക്തമായ അന്വേഷണം നടത്തുമെന്ന് കേന്ദ്ര ആഭ്യന്തരമന്ത്രി അമിത് ഷാ പറഞ്ഞു്. വിഘടനവാദികളുമായി ഡല്‍ഹി കെജ് രിവാളിനുള്ള ബന്ധം അന്വേഷിക്കണമെന്ന് പഞ്ചാബ് മുഖ്യമന്ത്രി ചരണ്‍ജിത് സിങ് ചന്നിയാണ് കേന്ദ്രസര്‍ക്കാരിനോട് ആവശ്യപ്പെട്ടത്. സര്‍ക്കാര്‍ ഈ വിഷയത്തെ വളരെ ഗൗരവത്തോടെയാണ് കാണുന്നതെന്ന് ചന്നിയുടെ കത്തിന് മറുപടിയായി അമിത് ഷാ പറഞ്ഞു.

അതേസമയം അഴിമതിക്കാരായ രാഷ്ട്രീയക്കാര്‍ക്ക് മാത്രമാണ് താന്‍ തീവ്രവാദിയായി തോന്നുന്നത് എന്നായിരുന്നു ആരോപണത്തിന് കെജ്‌രിവാളിന്റെ മറുപടി. ഭഗവത് മന്നിനെപ്പോലെ സത്യസന്ധനായ ഒരു മുഖ്യമന്ത്രി പഞ്ചാബില്‍ ഉണ്ടാവുന്നത് ആലോചിച്ച്‌ അഴിമതിക്കാര്‍ക്കുള്ള ഭയമാണ് ഇപ്പോള്‍ തീവ്രവാദി ആരോപണമായി പുറത്തുവരുന്നതെന്നും കെജ്‌രിവാള്‍ പറഞ്ഞു.