Agriculture

Entertainment

May 26, 2022

BHARATH NEWS

Latest News and Stories

ബ്രിട്ടനും ജർമ്മനിയും ഉൾപ്പെടെ 36 രാജ്യങ്ങളിൽ നിന്നുള്ള വിമാനക്കമ്പനികൾക്ക് റഷ്യ വിലക്കേർപ്പെടുത്തി

മോസ്കോ : ബ്രിട്ടണും ജര്‍മ്മനിയും ഉള്‍പ്പെടെ 36 രാജ്യങ്ങളില്‍ നിന്നുള്ള വിമാന സര്‍വ്വീസുകള്‍ക്ക് വിലക്കേര്‍പ്പെടുത്തി റഷ്യ.

റഷ്യന്‍ വിമാനങ്ങളെ യൂറോപ്യന്‍ രാജ്യങ്ങളുടെയും കാനഡയുടെയും വ്യോമപാതയില്‍ പ്രവേശിക്കുന്നതില്‍ നിന്നും വിലക്കിയിരുന്നു. യുക്രെയ്നെതിരെ ആക്രമണം ആരംഭിച്ചതിന് പിന്നാലെയാണ് ലോകരാജ്യങ്ങള്‍ റഷ്യയെ ഒറ്റപ്പെടുത്തിയത്. ഇതോടെയാണ് മറ്റ് രാജ്യങ്ങളില്‍ നിന്നുള്ള സര്‍‌‍വ്വീസുകള്‍ക്ക് റഷ്യയും വിലക്കേര്‍പ്പെടുത്തി.രാജ്യത്തെ മുൻനിര വിമാനക്കമ്പനിയായ എയ്‌റോഫ്ലോട്ടിനെ ബ്രിട്ടൻ തടഞ്ഞതിനെ തുടർന്ന് കഴിഞ്ഞയാഴ്ച റഷ്യ യുകെ എയർലൈനുകൾക്ക് വിലക്കേർപ്പെടുത്തിയിരുന്നു.

ഓസ്ട്രിയ, അല്‍ബേനിയ, ആന്‍ഗ്വില്ല, ബെല്‍ജിയം, ബള്‍ഗേറിയ, ബ്രിട്ടീഷ് വിര്‍ജിന്‍ ദ്വീപുകള്‍, ബ്രിട്ടന്‍, ഹംഗറി, ജര്‍മ്മനി, ജിബ്രാള്‍ട്ടര്‍, ഗ്രീസ്, ഡെന്മാര്‍ക്ക് ( ഗ്രീന്‍ലാന്‍ഡ്, ഫറോ ദ്വീപുകള്‍, ടെറിട്ടോറിയല്‍ സീ), ജേഴ്സി, അയര്‍ലന്‍ഡ്, ഐസ് ലാന്‍ഡ്, സ്പെയിന്‍, ഇറ്റലി, കാനഡ, സൈപ്രസ്, ലാത്വിയ, ലിത്വാനിയ, ലക്സംബര്‍ഗ്, മാള്‍ട്ട, നെതര്‍ലാന്‍ഡ്സ്, നോര്‍വേ, പോളണ്ട്, പോര്‍ച്ചുഗല്‍, റൊമാനിയ, സ്ലോവാക്യ, സ്ലോവേനിയ, ഫിന്‍ലാന്‍ഡ്, ഫ്രാന്‍സ്, ക്രൊയേഷ്യ, ചെക്ക് റിപ്പബ്ലിക്ക്, സ്വീഡന്‍ എസ്റ്റോണിയ എന്നീ രാജ്യങ്ങളിലെ വിമാനങ്ങള്‍ക്കാണ് പ്രവേശന വിലക്ക്. നിലവില്‍ പ്രത്യേക പെര്‍മിറ്റ് ഉണ്ടെങ്കില്‍ മാത്രമേ വിമാനങ്ങള്‍ക്ക് റഷ്യയുടെ വ്യോമ പാതയില്‍ പ്രവേശിക്കാന്‍ സാധിക്കൂ. എന്നാല്‍ ഈ പട്ടികയില്‍ ഇന്ത്യയെ ഉള്‍പ്പെടുത്തിയിട്ടില്ല.

നേരത്തെ യൂറോപ്യന്‍ യൂണിന്‍ റഷ്യന്‍ വിമാനങ്ങളെ നിരോധിച്ചിരുന്നു. വിമാന സര്‍വ്വീസുകള്‍ക്ക് വ്യോമ പാത ഉപയോ​ഗിക്കരുത് എന്നായിരുന്നു നിര്‍ദ്ദേശം. യൂറോപ്യന്‍ കമ്ബനികളെ റഷ്യയ്‌ക്ക് ആയുധങ്ങള്‍ നല്‍കുന്നതില്‍ നിന്നും വിലക്കിയിരുന്നു