Agriculture

Entertainment

May 26, 2022

BHARATH NEWS

Latest News and Stories

മീഡിയാ വൺ ; ഹൈക്കോടതി അപ്പീൽ തള്ളി , ഇനി സുപ്രിം കോടതിയിൽ .

തിരുവനന്തപുരം: മീഡിയവണ്‍ ചാനലിനെതിരായുള്ള കേന്ദ്ര നടപടിക്കെതിരെ ഹൈക്കോടതിയില്‍ നല്‍കിയ അപ്പീല്‍ തള്ളി.കേന്ദ്ര വാര്‍ത്താവിതരണ പ്രക്ഷേപണ മന്ത്രാലയത്തിന്റെ നടപടി ശരിവച്ച സിംഗിള്‍ ജഡ്ജി ഉത്തരവിനെതിരെ, മലയാളം വാര്‍ത്താ ചാനലായ മീഡിയവണ്‍ നല്‍കിയ അപ്പീല്‍ കേരള ഹൈക്കോടതി ബുധനാഴ്ച തള്ളി. കൂടാതെ, കേന്ദ്ര വാര്‍ത്താവിതരണ പ്രക്ഷേപണ മന്ത്രാലയം പുറപ്പെടുവിച്ച ഉത്തരവ് ചീഫ് ജസ്റ്റിസ് എസ്.മണികുമാര്‍, ജസ്റ്റിസ് ഷാജി പി.ചാലി എന്നിവരടങ്ങിയ ഡിവിഷന്‍ ബെഞ്ച് ശരിവച്ചു.

സിംഗിള്‍ ബെഞ്ച് വിധിക്കെതിരെ കേരള യൂണിയന്‍ ഓഫ് വര്‍ക്കിംഗ് ജേര്‍ണലിസ്റ്റ്സും (കെയുഡബ്ല്യുജെ) പ്രത്യേക അപ്പീല്‍ നല്‍കിയിരുന്നു. ജനുവരി 31 ന്, സുരക്ഷാ പ്രശ്‌നങ്ങള്‍ ചൂണ്ടിക്കാട്ടി ചാനലിന്റെ സംപ്രേക്ഷണം മന്ത്രാലയം താല്‍ക്കാലികമായി നിര്‍ത്തിവച്ചതിന് ഏതാനും മണിക്കൂറുകള്‍ക്ക് ശേഷം മീഡിയവണ്‍ സിംഗിള്‍ ജഡ്ജിയെ സമീപിച്ചിരുന്നു. ഇതേതുടര്‍ന്ന്, ഇരുപക്ഷവും ഉന്നയിച്ച പ്രാഥമിക വാദം കേട്ട ജഡ്ജി, ചാനലിന് സംപ്രേക്ഷണം ചെയ്യാന്‍ അനുവദിച്ചുകൊണ്ട് ഇടക്കാല ആശ്വാസം നല്‍കിയിരുന്നു.

എന്നാല്‍, കേന്ദ്ര ആഭ്യന്തര മന്ത്രാലയത്തില്‍ നിന്നുള്ള ഫയലുകള്‍ പരിശോധിച്ചതിന് ശേഷം, ചാനലിന് സുരക്ഷാ അനുമതി നിഷേധിച്ചതിനെ ന്യായീകരിക്കുന്ന ഇന്റലിജന്‍സ് ഇന്‍പുട്ടുകള്‍ കണ്ടെത്തി. മാധ്യമം ബ്രോഡ്കാസ്റ്റിംഗ് ലിമിറ്റഡ് (ചാനല്‍ നടത്തുന്ന കമ്ബനി) സമര്‍പ്പിച്ച അപ്പീലില്‍, ദേശീയ സുരക്ഷയുടെ മറവില്‍ ഒരു ദശാബ്ദത്തിലേറെയായി നിലനില്‍ക്കുന്ന ഒരു വാര്‍ത്താ ചാനലിന്റെ സംപ്രേക്ഷണം മന്ത്രാലയം നിരോധിച്ചതായി ആണ് ചൂണ്ടിക്കാണിച്ചത്.

ഹിയറിംഗിനിടെ, ചാനലിന് വേണ്ടി ഹാജരായ മുതിര്‍ന്ന അഭിഭാഷകന്‍ ദുഷ്യന്ത് ദവെ, ടിയിലെ ആര്‍ട്ടിക്കിള്‍ 19(1) പ്രകാരം മാധ്യമസ്വാതന്ത്ര്യത്തിനും അതിന്റെ പരിധിക്കും ഊന്നല്‍ നല്‍കി. എന്നാല്‍, സിംഗിള്‍ ബഞ്ച് കേന്ദ്ര നടപടി ശരിവെക്കുകയായിരുന്നു. ഇതിനെതിരെയാണ് ചാനല്‍ ഹൈക്കോടതിയെ സമീപിച്ചത്.