Agriculture

Entertainment

February 3, 2023

BHARATH NEWS

Latest News and Stories

പാക്കിസ്ഥാനിൽ പള്ളിയിൽ സ്ഫോടനം; നിരവധി പേർ മരിച്ചു.

പാകിസ്ഥാനില്‍ പള്ളിയിലുണ്ടായ സ്ഫോടനത്തില്‍ 30 പേര്‍ കൊല്ലപ്പെട്ടു. 50 ഓളം പേര്‍ക്ക് പരിക്കേല്‍ക്കുകയും ചെയ്തു.പെഷവാറിലെ കൊച്ച റിസാല്‍ദാര്‍ പ്രദേശത്തെ പള്ളിയിലാണ് വെള്ളിയാഴ്ച സ്ഫോടനമുണ്ടായത്. ഖിസ്സ ഖ്വാനി ബസാറിലെ ജാമിയ മസ്ജിദില്‍ വിശ്വാസികള്‍ പ്രാര്‍ഥന നടത്തുന്നതിനിടെയാണ് സ്ഫോടനമുണ്ടായതെന്ന് രക്ഷാപ്രവര്‍ത്തകര്‍ പറഞ്ഞു.

സായുധരായ രണ്ട് അക്രമികള്‍ പള്ളിക്ക് പുറത്ത് പൊലീസിന് നേരെ വെടിയുതിര്‍ത്തതോടെയാണ് ആക്രമണത്തിന് തുടക്കമിട്ടതെന്ന് പെഷവാര്‍ പൊലീസ് മേധാവി പറഞ്ഞു. വെടിവയ്പില്‍ ഒരു പൊലിസുകാരനും ഒരു അക്രമിയും കൊല്ലപ്പെട്ടു. മറ്റയാളാണ് പള്ളിയില്‍ സ്ഫോടനം നടത്തിയത്. മരണസംഖ്യ ഇനിയും ഉയരുമെന്നാണ് റിപ്പോര്‍ട്ടുകള്‍. സംഭവത്തില്‍ പ്രധാനമന്ത്രി ഇമ്രാന്‍ ഖാന്‍ അപലപിച്ചു.

സ്ഫോടനത്തില്‍ പരിക്കേറ്റവരെ ആശുപത്രിയിലേക്ക് മാറ്റി. ഇതില്‍ പത്ത് പേരുടെ നില ഗുരുതരമാണെന്നാണ് റിപ്പോര്‍ട്ട്. സ്‌ഫോടനത്തെ കുറിച്ച്‌ അന്വേഷിക്കുകയാണെന്ന് പോലീസ് അറിയിച്ചു. ചാവേര്‍ ആക്രമണമാണെന്ന് സംശയിക്കുന്നതായും പോലീസ് ഉദ്യോഗസ്ഥര്‍ പറഞ്ഞതായി റോയിട്ടേഴ്സിനോട് പറഞ്ഞു.സ്‌ഫോടനത്തിന്റെ പ്രകമ്ബനത്തില്‍ പള്ളിക്ക് സമീപത്തെ കെട്ടിടങ്ങളിലും വിള്ളല്‍ വീണിട്ടുണ്ട്. രണ്ടു പതിറ്റാണ്ടിന് ശേഷം ഓസ്‌ട്രേലിയന്‍ ക്രിക്കറ്റ് ടീം പാക്ക് മണ്ണില്‍ പര്യടനം തുടങ്ങിയ ദിവസമാണ് സ്‌ഫോടനം നടന്നിരിക്കുന്നത്.