Agriculture

Entertainment

December 3, 2022

BHARATH NEWS

Latest News and Stories

സെലെന്‍സ്കി ശ്രമിക്കുന്നത് നാറ്റോ റഷ്യ യുദ്ധം – പുടിന്‍.

മോസ്കോ: യുക്രെയിനിന് മുകളില്‍ നാറ്റോയോ അംഗരാജ്യങ്ങളോ വിമാന പറക്കലിന് വിലക്ക് ഏര്‍പ്പെടുത്തിയാല്‍ അത് യുദ്ധ സന്നാഹത്തിനുള്ള ഒരുക്കമായി റഷ്യ കണക്കാക്കുമെന്നും പിന്നെ നേര്‍ക്കു നേര്‍ യുദ്ധം നടക്കുമെന്നും വ്‌ളാദിമിര്‍ പുടിന്‍.
സെലെന്‍സ്കി ശ്രമിക്കുന്നത് നാറ്റോ – റഷ്യ യുദ്ധം ആണെന്നും അതിനു വേണ്ടിയാണ് ഇത്തരം ആവശ്യങ്ങളുമായി തുടര്‍ച്ചയായി വരുന്നതെന്നും പുടിന്‍ ആരോപിച്ചു.

യുക്രെയിന്‍ വിമാന നിരോധിത മേഖലയായി പ്രഖ്യാപിക്കണമെന്ന് കഴിഞ്ഞ ദിവസം യുക്രെയിന്‍ പ്രസിഡന്റ് സെലെന്‍സ്കി നാറ്റോയോട് അഭ്യര്‍ത്ഥിച്ചിരുന്നു. എന്നാല്‍ അമേരിക്കയടക്കമുള്ള രാജ്യങ്ങള്‍ ഈ നിര്‍ദ്ദേശം തള്ളിക്കളഞ്ഞിരുന്നു. ഇതിനു ശേഷം യുക്രെയിനില്‍ ഇനി വീഴുന്ന ഓരോ ബോംബിനും ഉത്തരവാദി നാറ്റോ കൂടി ആയിരിക്കുമെന്ന് സെലെന്‍സ്കി വ്യക്തമാക്കിയിരുന്നു.

യുക്രെയിനിന് മുകളില്‍ നോ ഫ്ലൈറ്റ സോണ്‍ ആയി പ്രഖ്യാപിച്ചാല്‍ അത് വലിയൊരു യുദ്ധത്തിന് കാരണമായേക്കുമെന്നാണ് അമേരിക്കയുടെ നിലപാട്. അമേരിക്കയുടെ ഈ നിലപാട് ശരിവയ്ക്കുന്ന പ്രതികരണമാണ് റഷ്യന്‍ പ്രസിഡന്റിന്റെ ഭാഗത്ത് നിന്ന് ഇന്നുണ്ടായിരിക്കുന്നത്.

അതേസമയം വെടിനിര്‍ത്തല്‍ പ്രഖ്യാപിച്ച യുക്രെയിന്‍ നഗരമായ മരിയോപോളില്‍ റഷ്യ ഷെല്ലാക്രമണം തുടരുകയാണ്. ഇതിനെതുടര്‍ന്ന് ജനങ്ങളെ ഇവിടെ നിന്ന് സുരക്ഷിത കേന്ദ്രങ്ങളിലേക്ക് ഒഴിപ്പിക്കുന്നത് നിറുത്തി വച്ചതായി യുക്രെയിന്‍ അധികൃതര്‍ അറിയിച്ചു. ആളുകളെ ഒഴിപ്പിക്കുന്നതിനായി ഒരു ഇടനാഴി നിലവില്‍ ഇല്ലെന്നാണ് റിപ്പോര്‍ട്ടുകള്‍.

ബെലാറൂസില്‍ മാര്‍ച്ച്‌ മൂന്നിന് നടന്ന റഷ്യ- യുക്രെയിന്‍ ചര്‍ച്ചയുടെ ഭാഗമായിട്ടാണ് ഇന്ന് ഉച്ചയ്ക്ക് 12.30 മുതല്‍ റഷ്യ മരിയോപോള്‍, വോള്‍നോവാക്ക എന്നിവുടങ്ങളില്‍ അടിയന്തര വെടിനിര്‍ത്തല്‍ പ്രഖ്യാപിച്ചത്. . പ്രദേശത്തെ ജനങ്ങളെ ഒഴിപ്പിക്കാന്‍ വേണ്ടിയായിരുന്നു വെടിനിര്‍ത്തല്‍. ലോകരാജ്യങ്ങളുടെ ആവര്‍ത്തിച്ചുള്ള അഭ്യര്‍ത്ഥന കണക്കിലെടുത്താണ് തീരുമാനം. മരിയൂപോളില്‍ നിന്ന് രണ്ട് ലക്ഷത്തോളം പേരെ മാറ്റേണ്ടതുണ്ട് എന്നാണ് അധികൃതര്‍ വ്യക്തമാക്കിയിരിക്കുന്നത്.സൈ​നി​ക നി​രാ​യു​ധീ​ക​ര​ണ​ത്തി​ലൂ​ടെ​യും നാ​സി​പ്ര​സ്ഥാ​ന​ത്തെ ഇ​ല്ലാ​താ​ക്കു​ന്ന​തി​ലൂ​ടെ​യും യു​ക്രെ​യ്നെ നി​ഷ്പ​ക്ഷ​മാ​ക്കി റ​ഷ്യ​ന്‍ സം​സാ​രി​ക്കു​ന്ന വി​ഭാ​ഗ​ത്തെ പ്ര​തി​രോ​ധി​ക്കു​ക എ​ന്ന​താ​ണ് ത​ന്‍റെ ല​ക്ഷ്യ​മെ​ന്ന് പു​ടി​ന്‍ ആ​വ​ര്‍​ത്തി​ച്ചു.ആ​രെ​യും നി​ര്‍​ബ​ന്ധി​ത സൈ​നി​ക സേ​വ​ന​ത്തി​ന് നി​യോ​ഗി​ച്ചി​ട്ടി​ല്ല. അ​തി​നു​ള്ള പ​ദ്ധ​തി​യു​മി​ല്ല. റ​ഷ്യ​ന്‍ സൈ​ന്യം എ​ല്ലാ ല​ക്ഷ്യ​ങ്ങ​ളും പൂ​ര്‍​ത്തി​യാ​ക്കും. അ​തി​ല്‍ സം​ശ​യ​മി​ല്ല. എ​ല്ലാം പ​ദ്ധ​തി​യി​ട്ട​തു​പോ​ലെ മു​ന്നേ​റു​ന്നു​ണ്ടെ​ന്നും പു​ടി​ന്‍ പറഞ്ഞു .