അമേരിക്കന്‍ മാധ്യമപ്രവര്‍ത്തകന്‍ ഉക്രൈനില്‍ കൊല്ലപ്പെട്ടു.

ന്യൂയോർക്ക്. അമേരിക്കന്‍ മാധ്യമപ്രവര്‍ത്തകന്‍ ഉക്രൈനില്‍ കൊല്ലപ്പെട്ടതായി റിപ്പോര്‍ട്ട്. മുന്‍ ന്യൂയോര്‍ക്ക് ടൈംസ് മാധ്യമപ്രവര്‍ത്തകനായ ബ്രന്‍ഡ് റെനോഡ്(51) ആണ് കൊല്ലപ്പെട്ടത്.

ഇര്‍പ്പിനില്‍ മറ്റ് രണ്ട് മാധ്യമപ്രവര്‍ത്തകര്‍ക്ക് പരിക്കേറ്റതായും റിപ്പോര്‍ട്ടുകള്‍ സൂചിപ്പിക്കുന്നു. യുക്രൈനിയന്‍ ടെറിട്ടോറിയല്‍ ഡിഫന്‍സിന് വേണ്ടി സന്നദ്ധസേവനം നടത്തുന്ന സര്‍ജന്‍ ഡാനിലോ ഷാപോവലോവിനെ ഉദ്ധരിച്ച്‌ എഎഫ്‌പിയാണ് വാര്‍ത്ത റിപ്പോര്‍ട്ട് ചെയ്തത്.ഉക്രെയ്നിലെ ഇർപിനിൽ അഭയാർഥികളെ ചിത്രീകരിക്കുന്നതിനിടെയാണ് ബ്രെന്റ് റെനൗഡിന് ഞായറാഴ്ച വെടിയേറ്റത്.അഭയാർഥികളെക്കുറിച്ചുള്ള ഒരു ആഗോള സിനിമയുടെ പണിപ്പുരയിലാണെന്ന് റെനൗഡിന്റെ ചില സുഹൃത്തുക്കളും സഹപ്രവർത്തകരും പറഞ്ഞു
റെനൗഡിന്റെ മരണത്തെക്കുറിച്ച് വൈറ്റ് ഹൗസ് ഇതുവരെ പ്രതികരിച്ചിട്ടില്ല.
അമേരിക്കന്‍ മാധ്യമപ്രവര്‍ത്തകന്‍ യുദ്ധസ്ഥലത്ത് തല്‍ക്ഷണം കൊല്ലപ്പെട്ടതായും മറ്റൊരാള്‍ ചികിത്സയിലാണെന്നും റിപ്പോര്‍ട്ടില്‍ പറയുന്നു. അമേരിക്കന്‍ പത്രപ്രവര്‍ത്തകന്‍ ബ്രന്‍ഡ് റെനോഡിന്‍റെ മരണത്തില്‍ അതിയായ ദുഖമുണ്ടെന്നും കഴിവുള്ള ഒരു ഫോട്ടോഗ്രാഫറായിരുന്നു അദ്ദേഹമെന്നും ന്യൂയോര്‍ക്ക് ടൈംസ് ഡെപ്യൂട്ടി മാനേജിംഗ് എഡിറ്റര്‍ ക്ലിഫ് ലെവി പറഞ്ഞു.