അപമാനകരമായ തോൽവി; 5 സംസ്ഥാന അധ്യക്ഷന്മാരെ സോണിയാ ഗാന്ധി പുറത്താക്കി .

ന്യൂ ഡൽഹി .തെരഞ്ഞെടുപ്പ് തോല്‍വിയില്‍ കടുത്ത നടപടിയുമായി കോണ്‍ഗ്രസ്. 5 പിസിസി അധ്യക്ഷന്മാരുടെ രാജി ആവശ്യപ്പെട്ട് സോണിയ ഗാന്ധി.

പഞ്ചാബ്, യുപി, ഉത്തരാഖണ്ഡ്, ഗോവ, മണിപ്പൂര്‍ പിസിസി അധ്യക്ഷന്മാര്‍ രാജിവയ്ക്കണമെന്ന് സോണിയ ഗാന്ധി ആവശ്യപ്പെട്ടു.

തെരഞ്ഞെടുപ്പ് തോല്‍വിയില്‍ ആദ്യം തെറിച്ചത് നവജ്യോത് സിംഗ് സിദ്ദു ഉള്‍പ്പെടെ അഞ്ച് സംസ്ഥാന അധ്യക്ഷന്മാര്‍. സോണിയ ഗാന്ധിയുടെ തീരുമാനം പരസ്യമാക്കിയത് കെ സി വേണുഗോപാലിന് പകരം രണ്‍ദീപ് സിംഗ് സുര്‍ജേവാല. തെരഞ്ഞെടുപ്പ് കാലത്ത് സംഘടനയെ ചലിപ്പിക്കാത്തതിന്‍റെ പ്രാഥമിക ഉത്തരവാദിത്തം പിസി അധ്യക്ഷന്മാര്‍ക്കാണെന്ന പ്രവര്‍ത്തക സമിതി വിലയിരുത്തലിന്‍റെ അടിസ്ഥാനത്തിലാണ് അ‍ഞ്ച് പേരെയും പുറത്താക്കിയത്. വരും ദിവസങ്ങളില്‍ കൂടുതല്‍ നേതാക്കള്‍ക്കെതിരെ നടപടി വന്നേക്കുമെന്നാണ് സൂചന.”തന്റെ കുടുംബാംഗങ്ങളായ രാഹുൽ ഗാന്ധിയും പ്രിയങ്ക ഗാന്ധി വദ്രയും പാർട്ടിക്ക് വേണ്ടി തങ്ങളുടെ സ്ഥാനങ്ങൾ ത്യജിക്കാൻ തയ്യാറാണെന്ന് കോൺഗ്രസ് ഇടക്കാല അധ്യക്ഷ സോണിയ ഗാന്ധി പറഞ്ഞു, എന്നാൽ ഞങ്ങൾ എല്ലാവരും ഇത് നിരസിച്ചു,” മുതിർന്ന നേതാവ് അധീർ രഞ്ജൻ ചൗധരി വാർത്താ ഏജൻസിയായ എഎൻഐയോട് പറഞ്ഞു.

2019-ലെ ദേശീയ തിരഞ്ഞെടുപ്പ് പരാജയത്തിന്റെ ഉത്തരവാദിത്തം ഏറ്റെടുത്ത് കോൺഗ്രസ് അധ്യക്ഷ സ്ഥാനം രാജിവച്ചതിന് ശേഷം രാഹുൽ ഗാന്ധി പാർട്ടിയിൽ ഒരു പദവിയും വഹിക്കുന്നില്ല.