തിരുവനന്തപുരം: പൊതുജനങ്ങള്‍ പ്രതീക്ഷിക്കുന്ന രീതിയിലുള്ള സേവനങ്ങള്‍ എംപ്ലോയ്‌മെന്റ് എക്‌സ്‌ചേഞ്ചുകളില്‍ ലഭ്യമാക്കുമെന്ന് വിദ്യാഭ്യാസ -തൊഴില്‍ വകുപ്പ് മന്ത്രി വി.ശിവന്‍കുട്ടി.
തിരുവനന്തപുരം ജില്ലാ എംപ്ലോയ്‌മെന്റ് എക്‌സ്‌ചേഞ്ചിനെ വകുപ്പിലെ ആദ്യ മാതൃക എക്‌സ്‌ചേഞ്ചാക്കി മാറ്റിയതിന്റെയും എംപ്ലോയബിലിറ്റി സെന്ററിന്റെയും പ്രവര്‍ത്തനോദ്ഘാടനം നിര്‍വഹിച്ചു സംസാരിക്കുകയായിരുന്നു അദ്ദേഹം.
നൂതന ഏകജാലക സംവിധാനത്തിലൂടെ യഥാസമയം ഇവിടെ നിന്നും ഉദ്യോഗാര്‍ഥികള്‍ക്ക് സേവനങ്ങള്‍ ലഭ്യമാക്കും. ഘട്ടംഘട്ടമായി എല്ലാ ജില്ലകളിലും മാതൃകാ എംപ്ലോയ്‌മെന്റ്എക്‌സ്‌ചേഞ്ചുകള്‍സ്ഥാപിക്കും.രജിസ്‌ട്രേഷന്‍ സംബന്ധിച്ച ഉദ്യോഗാര്‍ഥികളുടെ പരാതികള്‍ പരിഹരിക്കാന്‍ അദാലത്തുകള്‍ നടത്തുമെന്നും മന്ത്രി പറഞ്ഞു.സംസ്ഥാന സര്‍ക്കാരിന്റെ നൂറുദിന കര്‍മപദ്ധതിയില്‍ ഉള്‍പ്പെട്ട പദ്ധതിയാണിത്. സ്മാര്‍ട്ട് ഐഡി കാര്‍ഡുകളുടെ വിതരണോദ്ഘാടനവുംഇതിനോടനുബന്ധിച്ചു മന്ത്രി നിര്‍വഹിച്ചു.
തൊഴില്‍ രജിസ്‌ട്രേഷന്‍ സൗകര്യമൊരുക്കുന്ന സ്ഥാപനമെന്നതില്‍ നിന്ന് മാറി പരമാവധി ആളുകള്‍ക്ക് തൊഴില്‍നല്‍കാന്‍ പ്രവര്‍ത്തിക്കുന്ന സ്ഥാപനമായി എംപ്ലോയ്‌മെന്റ് എക്‌സ്‌ചേഞ്ചുകള്‍ വികസിച്ചിട്ടുണ്ടെന്ന് ചടങ്ങില്‍ അദ്ധ്യക്ഷത വഹിച്ച കടകംപള്ളി സുരേന്ദ്രന്‍ എം.എല്‍.എ പറഞ്ഞു. എല്ലാ മത്സരപരീക്ഷകള്‍ക്കും ഉദ്യോഗാര്‍ഥികളെ പ്രാപ്തരാക്കുന്ന മികവിന്റെ കേന്ദ്രമായി എംപ്ലോയബിലിറ്റി സെന്ററുകളെ മാറ്റും. സാധാരണക്കാരായ ഉദ്യോഗാര്‍ഥികള്‍ക്ക് അവരുടെ അഭിരുചിക്കനുസരിച്ച് മികച്ച പരിശീലനം നല്‍കുമെന്നും അദ്ദേഹം കൂട്ടിച്ചേര്‍ത്തു.
മാതൃക എംപ്ലോയ്‌മെന്റ് എക്‌സ്‌ചേഞ്ചില്‍ ആശയക്കുഴപ്പമില്ലാതെ രജിസ്‌ട്രേഷന്‍ പൂര്‍ത്തിയാക്കാനാകുന്ന വിധമാണ് രജിസ്‌ട്രേഷന്‍ ഹാള്‍ ഒരുക്കിയിരിക്കുന്നത്. ക്യു. ആര്‍ കോഡ് സഹിതം ഡിജിറ്റല്‍ ഒപ്പോടുകൂടിയ സ്മാര്‍ട്ട് കാര്‍ഡ് രജിസ്‌ട്രേഷന്‍ സമയത്തുതന്നെ ലഭ്യമാക്കും. ക്യു. ആര്‍ കോഡ് സ്‌കാനറും എല്‍.സി.ഡി ഡിസ്‌പ്ലേയും രജിസ്‌ട്രേഷന്‍ വിവരങ്ങള്‍ മനസ്സിലാക്കാന്‍ ഉദ്യോഗാര്‍ഥികളെസഹായിക്കും. അമ്പേഷണ കേന്ദ്രം, ഇരിപ്പിട- കുടിവെള്ള സൗകര്യങ്ങള്‍ എന്നിവ സജ്ജീകരിച്ചിട്ടുണ്ട്. ജില്ലാതലത്തില്‍ പരാതികള്‍ തീര്‍പ്പാക്കാന്‍ ജില്ലാ എംപ്ലോയ്‌മെന്റ് ഓഫീസറുടെ അധ്യക്ഷതയില്‍ പരാതി പരിഹാര സെല്ലും പ്രവര്‍ത്തിക്കും.
Posts Grid
ഫിന്ലന്ഡും സ്വീഡനും നാറ്റോ സഖ്യത്തിലേക്ക്.
ഷെയ്ഖ് മുഹമ്മദ് ബിൻ സായിദ് യുഎഇയുടെ പുതിയ പ്രസിഡൻറ് .
യുഎഇ പ്രസിഡന്റ് ഷെയ്ഖ് ഖലീഫ ബിൻ സായിദ് അന്തരിച്ചു.
റനില് വിക്രമസിംഗെ ശ്രീലങ്കയുടെ പ്രധാനമന്ത്രി.
ശ്രീലങ്കയിലെ അക്രമത്തിൽ എട്ട് പേർ കൊല്ലപ്പെട്ടു. അക്രമം വ്യാപിപ്പിക്കുന്നു.
റോഹിങ്ക്യകൾ ക്യാമ്പുകളിൽ സ്ഥാപിച്ച ഡസൻ കണക്കിന് സ്കൂളുകൾ ബംഗ്ലാദേശ് അടച്ചുപൂട്ടി.
അനുബന്ധ വാർത്തകൾ
പി സി ജോർജിന് ജാമ്യം.
കിരണ്‍ കുമാറിന് പത്തു വര്‍ഷം തടവ്
അതിജീവിതയ്‌ക്ക് നീതി ഉറപ്പാക്കും: മുഖ്യമന്ത്രി
മദ്യകച്ചവട രംഗത്തെ അഴിമതി തുടച്ചുനീക്കും : മന്ത്രി എം വി ഗോവിന്ദൻ മാസ്റ്റർ
മൂന്ന് ദിവസം കുട്ടികൾക്കായി പ്രത്യേക കോവിഡ് വാക്‌സിനേഷൻ യജ്ഞം
പോപ്പുലര്‍ ഫ്രണ്ട് റാലിയിലെ വിദ്വേഷ മുദ്രാവാക്യം: ആലപ്പുഴ ജില്ലാ പ്രസിഡന്റ് കസ്റ്റഡിയില്‍
മടക്കയാത്രക്കുള്ള ടിക്കറ്റ് ഹാജരാക്കിയ ശേഷം ഹര്‍ജി പരിഗണിക്കാമെന്ന് ഹൈക്കോടതി
ലോകാരോഗ്യ സംഘടനയുടെ ആദരം അർഹതയ്ക്കുള്ള അംഗീകാരം: മന്ത്രി വീണാ ജോർജ്
മെഡിക്കല്‍ കോളേജുകളില്‍ ഐഡി കാര്‍ഡ് പരിശോധന നിര്‍ബന്ധമാക്കണം: ആരോഗ്യമന്ത്രി
വിസ്മയ കേസ് വിധി സ്വാഗതാർഹം: മന്ത്രി ആന്റണി രാജു
പോക്‌സോ നിയമം: അതിജീവിതരായ കുട്ടികൾക്ക് നീതി ഉറപ്പാക്കാൻ ജില്ലാതല നിരീക്ഷണ സമിതി രൂപീകരിക്കണം: ബാലാവകാശ കമ്മീഷൻ
കാൻസർ ചികിത്‌സ വികേന്ദ്രീകരിക്കും: മുഖ്യമന്ത്രി