മഹാരാഷ്ട്ര ഏകനാഥ് ഷിൻഡെ മുഖ്യമന്ത്രി; ഫഡ്‌നാവിസ് ഉപമുഖ്യമന്ത്രിയായും സത്യപ്രതിജ്ഞ ചെയ്തു.

മഹാരാഷ്ട്ര മുഖ്യമന്ത്രിയായി വിമത ശിവസേന നേതാവ് ഏകനാഥ് ഷിൻഡെയും ഉപമുഖ്യമന്ത്രിയായി ദേവേന്ദ്ര ഫഡ്‌നാവിസും സത്യപ്രതിജ്ഞ ചെയ്തു. സർക്കാർ രൂപീകരണത്തിന് അവകാശവാദം ഉന്നയിക്കുന്നതിനായി ഇരുവരും നേരത്തെ രാജ്ഭവനിൽ ഗവർണർ ഭഗത് സിംഗ് കോശ്യാരിയെ കണ്ടിരുന്നു. ബിജെപിയെ അട്ടിമറിക്കാൻ 2019ൽ കോൺഗ്രസുമായും എൻസിപിയുമായും കൈകോർത്ത ശിവസേന പൊതു ജനവിധിയെ അവഹേളിച്ചതായി ഫഡ്‌നാവിസ് പറഞ്ഞു.മുംബൈയിലെ ദര്‍ബാര്‍ ഹാളിലായിരുന്നു സത്യപ്രതിജ്ഞ. ബി.ജെ.പി നേതാവ് ദേവേന്ദ്ര ഫട്‌നാവിസ് ഉപ മുഖ്യമന്ത്രിയായും സത്യ പ്രതിജ്ഞ ചെയ്തിട്ടുണ്ട്. സത്യപ്രതിജ്ഞ ഇന്ന് വൈകീട്ട് 7.30 നാണ് നടന്നത്. ശിവസേന നേതാവായിരുന്ന ബാല്‍താക്കറേയും അനുസമരിച്ചായിരുന്നു സത്യപ്രതിജ്ഞ. മറ്റു മന്ത്രിമാരുടെ സത്യപ്രതിജ്ഞ പിന്നീടായിരിക്കും നടക്കുക.

അതേ സമയം ബാലാസാഹേബിന്റെ ഹിന്ദുത്വയ്ക്കും തങ്ങളുടെ എംഎല്‍എമാരുടെ മണ്ഡലങ്ങളിലെ വികസനത്തിനും വേണ്ടിയാണ് ബിജെപിക്കൊപ്പം സര്‍ക്കാരുണ്ടാക്കാനുള്ള തീരുമാനമെന്ന് ഏക്നാഥ് ഷിന്‍ഡെ വ്യക്തമാക്കിയിരുന്നു. സര്‍ക്കാര്‍ ശരിയായ രീതിയില്‍ പ്രവര്‍ത്തിക്കുന്നുവെന്ന് ഉറപ്പ് വരുത്തേണ്ട ചുമതല തനിക്കാണെന്നും അധികാരത്തിന് വേണ്ടിയല്ല, ഹിന്ദുത്വയ്ക്ക് വേണ്ടിയാണ് തങ്ങളുടെ പോരാട്ടമെന്നും ഫഡ്നാവിസ് കൂട്ടിച്ചേര്‍ത്തിരുന്നു.
സവര്‍ക്കറിനും ഹിന്ദുത്വയ്ക്കും എതിരായി നിന്നവരോടൊപ്പം ശിവസേന കൂട്ടുകെട്ട് ഉണ്ടാക്കി. ജനവിധി ശിവസേന അപമാനിച്ചു. ദാവൂദ് ഇബ്രാഹിമിനെ എതിര്‍ക്കുകയും അതേസമയം, ദാവൂദിനെ സഹായിച്ചതിന് ജയിലില്‍ പോയ ആളെ മന്ത്രസഭയില്‍ നിലനിര്‍ത്തിയെന്നും ഫഡ്നാവിസ് കൂട്ടിച്ചേര്‍ത്തു.