എയർ ഇന്ത്യയിലേക്ക് വൻ മുലധനം ഇറക്കാൻ ടാറ്റ ഗ്രൂപ്പ് തയ്യാറെടുക്കുന്നു.

മുംബൈ: സ്വകാര്യവത്കരിച്ച മുന്‍ കേന്ദ്ര പൊതുമേഖലാ വിമാനക്കമ്ബനിയായ എയര്‍ ഇന്ത്യയിലേക്ക് പുതിയ മൂലധനം നിക്ഷേപിക്കാന്‍ ഒരുങ്ങി ടാറ്റ ഗ്രൂപ്പ്.ടാറ്റ ഗ്രൂപ്പിന്റെ ഹോള്‍ഡിംഗ് കമ്ബനിയായ ടാറ്റ സണ്‍സ് ലിമിറ്റഡ് ആണ് എയര്‍ ഇന്ത്യയിലേക്ക് പുതിയ മൂലധനം നിക്ഷേപിക്കുന്നതിനായി 4 ബില്യണ്‍ ഡോളര്‍ സമാഹരിക്കാന്‍ ഒരുങ്ങുന്നത്.എയര്‍ ഇന്ത്യയുടെ നിലവിലുള്ള കടത്തിന്റെ ഒരു ഭാഗം റീഫിനാന്‍സ് ചെയ്യുന്നതിനും എയര്‍ ഇന്ത്യയുടെ പുനരുദ്ധാരണത്തിനും 4 ബില്യണ്‍ ഡോളര്‍ ആവശ്യമായി വരും. ചില വിദേശ വായ്പക്കാരുമായും ചില സ്വകാര്യ ഇക്വിറ്റി ഫണ്ടുകളുമായും അനൗപചാരിക ചര്‍ച്ചകള്‍ നടക്കുന്നുണ്ടെങ്കിലും പൂര്‍ണമായ വിവരങ്ങള്‍ ടാറ്റ ഗ്രൂപ്പ് പുറത്ത് വിട്ടിട്ടില്ല. ടാറ്റ ഗ്രൂപ്പ് ഉടന്‍ തന്നെ നിക്ഷേപ ഉപദേശകരെ നിയമിക്കുന്നതിനുള്ള നടപടികള്‍ ആരംഭിക്കും എന്നാണ് റിപ്പോര്‍ട്ട്.

ടാറ്റയുടെ നിലവിലുള്ള ബാങ്കിംഗ് ബന്ധങ്ങള്‍ മികച്ചതായതിനാല്‍ ധനസമാഹരണം എളുപ്പമാകും. എന്നാല്‍ ഇതുവരെ ഇതിനെ കുറിച്ച്‌ ടാറ്റ ഗ്രൂപ് പ്രതികരിക്കാന്‍ തയ്യാറായിട്ടില്ല. കുറഞ്ഞ നിരക്കിലുള്ള എയര്‍ഏഷ്യ ഇന്ത്യയുടെ ഇക്വിറ്റി ഷെയര്‍ ക്യാപിറ്റല്‍ പൂര്‍ണമായും ഏറ്റെടുക്കാനുള്ള ടാറ്റ ഗ്രൂപ്പിന്റെ ഉടമസ്ഥതയിലുള്ള എയര്‍ ഇന്ത്യയുടെ നിര്‍ദ്ദേശം ഈ വര്‍ഷം ജൂണില്‍ സിസിഐ അംഗീകരിച്ചിരുന്നു.ഏറ്റവും പുതിയ കണക്കുകള്‍ പ്രകാരം, ടാറ്റ സണ്‍സ് ഏറ്റെടുക്കല്‍ പൂര്‍ത്തിയാക്കിയതിന് തൊട്ടുപിന്നാലെ എയര്‍ ഇന്ത്യയുടെ ആഭ്യന്തര വിപണി വിഹിതം 2020 ജനുവരിയില്‍ 11.6 ശതമാനത്തില്‍ നിന്ന് 2021 ജനുവരിയില്‍ 10.2 ശതമാനമായി കുറഞ്ഞിരുന്നു. ജൂലൈയില്‍ എയര്‍ ഇന്ത്യയുടെ വിപണി വിഹിതം 8.4 ശതമാനമായി വീണ്ടും കുറഞ്ഞു. അതേസമയം ടാറ്റ ഗ്രൂപ്പിന്റെ മറ്റ് രണ്ട് എയര്‍ലൈനുകളായ വിസ്താരയുടെയും എയര്‍ഏഷ്യ ഇന്ത്യയുടെയും വിപണി വിഹിതം യഥാക്രമം 10.4 ശതമാനവും 4.6 ശതമാനവുമാണ്.