Agriculture

Entertainment

January 31, 2023

BHARATH NEWS

Latest News and Stories

എണ്ണ വില നിയന്ത്രിക്കൽ ; എണ്ണ ഉത്പാദന രാജ്യങ്ങൾക്ക് മുന്നറിയിപ്പുമായി റഷ്യ.

മോസ്‌കോ: വില പരിധി ഏര്‍പ്പെടുത്തുന്ന രാജ്യങ്ങളിലേക്ക് എണ്ണ, വാതക വിതരണം റഷ്യ നിര്‍ത്തുമെന്ന മുന്നറിയിപ്പുമായി പ്രസിഡന്റ് വ്‌ളാഡിമിര്‍ പുടിന്‍.ചില പാശ്ചാത്യ രാജ്യങ്ങള്‍ പരിഗണിക്കുന്നതുപോലെ വില പരിധി നിശ്ചയിക്കുന്നത് തികച്ചും മണ്ടത്തരമായ തീരുമാനമായിരിക്കുമെന്നും പുടിന്‍ പറഞ്ഞു. പസഫിക് തുറമുഖ നഗരമായ വ്ലാഡിവോസ്റ്റോക്കിലെ ഈസ്റ്റേണ്‍ ഇക്കണോമിക് ഫോറത്തില്‍ സംസാരിക്കുകയായിരുന്നു അദ്ദേഹം.

‘ഞങ്ങളുടെ സാമ്ബത്തിക താല്‍പ്പര്യങ്ങള്‍ക്ക് വിരുദ്ധമാണെങ്കില്‍ ഞങ്ങള്‍ ഒന്നും നല്‍കില്ല. ഗ്യാസില്ല, എണ്ണയില്ല, കല്‍ക്കരി ഇല്ല, ഇന്ധന എണ്ണയില്ല, ഒന്നുമില്ല. ഞങ്ങളില്‍ എന്തെങ്കിലും അടിച്ചേല്‍പ്പിക്കാന്‍ ശ്രമിക്കുന്നവര്‍ക്ക്, അവരുടെ ഇഷ്ടം നിര്‍ദ്ദേശിക്കാന്‍ ഇന്ന് കഴിയില്ല,’ വ്‌ളാഡിമിര്‍ പുടിന്‍ പറഞ്ഞു. റഷ്യ തങ്ങളുടെ കരാര്‍ ബാധ്യതകളെ മാനിക്കുമെന്നും മറ്റ് രാജ്യങ്ങളും ഇത് ചെയ്യുമെന്ന് പ്രതീക്ഷിക്കുന്നതായും പുടിന്‍ കൂട്ടിച്ചേര്‍ത്തു.

ഉക്രെയ്‌നിലെ റഷ്യയുടെ സൈനിക നടപടിക്കുള്ള ധനസഹായത്തിന്റെ പ്രധാന സ്രോതസ്സ് വെട്ടിക്കുറയ്ക്കുന്നതിനായി, റഷ്യന്‍ എണ്ണ ഇറക്കുമതിയില്‍ വില പരിധി നടപ്പാക്കുന്നതിലേക്ക് അടിയന്തിരമായി നീങ്ങുമെന്ന് ജി7 വ്യാവസായിക ശക്തികള്‍ അറിയിച്ചിരുന്നു. ഇതില്‍ പ്രതികരിച്ച്‌ സംസാരിക്കുകയായിരുന്നു പുട്ടിൻ .