Agriculture

Entertainment

January 31, 2023

BHARATH NEWS

Latest News and Stories

കർണ്ണാടകയിൽ മത പരിവർത്തന ബിൽ പാസായി.

ബംഗളൂരു: വിവാദ മതപരിവര്‍ത്തന വിരുദ്ധ ബില്‍ കര്‍ണാടകയില്‍ ഉപരിസഭ പാസാക്കി. കോണ്‍ഗ്രസിന്‍റെയും എച്ച്‌.ഡി.കുമാരസ്വാമിയുടെ ജനതാദള്‍ സെക്യുലറിന്‍റെയും എതിര്‍പ്പ് അവഗണിച്ചാണ് ബില്‍ പാസാക്കിയത്.

നിര്‍ബന്ധിത മതപരിവര്‍ത്തനത്തില്‍ നിന്ന് ആളുകളെ സംരക്ഷിക്കാന്‍ ഈ നിയമം സഹായിക്കുമെന്ന് സര്‍ക്കാര്‍ അവകാശപ്പെട്ടു. വ്യാഴാഴ്ച ബില്‍ സഭയില്‍ അവതരിപ്പിച്ചത് ആഭ്യന്തര മന്ത്രി അരഗ ജ്ഞാനേന്ദ്രയാണ്.

അതേസമയം ഇത്തരമൊരു നിയമം ഭരണഘടന അനുശാസിക്കുന്ന മതസ്വാതന്ത്ര്യത്തെ ഹനിക്കുമെന്ന് പ്രതിപക്ഷം വാദിച്ചു.

പുതിയ നിയമമനുസരിച്ച്‌, നിയമവിരുദ്ധമായ മതപരിവര്‍ത്തനം നടത്തിയാല്‍ മൂന്ന് മുതല്‍ അഞ്ച് വര്‍ഷം വരെ തടവും 25,000 രൂപ പിഴയും ലഭിക്കും. പ്രായപൂര്‍ത്തിയാകാത്ത ഒരാളെ മതം മാറ്റിയാല്‍ ശിക്ഷ 10വര്‍ഷം വരെ നീട്ടാം. പിഴ 50,000 രൂപ ആയിരിക്കും.

കൂട്ട പരിവര്‍ത്തനം നടത്തിയാല്‍ ഒരു ലക്ഷം രൂപ പിഴ ചുമത്തും. കുറ്റം ആവര്‍ത്തിച്ചാല്‍ രണ്ടുലക്ഷം രൂപ വരെ പിഴയും കുറഞ്ഞത് അഞ്ച് വര്‍ഷം വരെ തടവും ലഭിക്കും.
ബിജെപിക്ക് 41 അംഗങ്ങളുള്ള ലെജിസ്ലേറ്റീവ് കൗൺസിലിൽ ആഭ്യന്തര മന്ത്രി അരഗ ജ്ഞാനേന്ദ്രയാണ് കർണാടക മതസ്വാതന്ത്ര്യ സംരക്ഷണ ബിൽ അവതരിപ്പിച്ചത്.

2021-ൽ അത് ലെജിസ്ലേറ്റീവ് കൗൺസിലിൽ അവതരിപ്പിച്ചില്ല, അന്ന് ബിജെപിക്ക് 32 അംഗങ്ങളുണ്ടായിരുന്നു, ഭൂരിപക്ഷത്തിന് ആറ് കുറവായിരുന്നു. തുടർന്ന് ബിൽ പ്രാബല്യത്തിൽ വരുത്തുന്നതിനായി ഓർഡിനൻസ് പാസാക്കാൻ കർണാടക മന്ത്രിസഭ തീരുമാനിച്ചു.