മേഘാലയയിൽ ആൾകൂട്ട അക്രമണം; 4 പേർ കൊല്ലപ്പെട്ടു.

മേഘാലയ : മേഘാലയ ജയിലിൽ നിന്ന് രക്ഷപ്പെട്ട നാല് തടവുകാരെ വെസ്റ്റ് ജയിന്തിയ ഹിൽസ് ജില്ലയിൽ ആൾക്കൂട്ടം കൊലപ്പെടുത്തി. ജയിൽ ഉദ്യോഗസ്ഥരെ ആക്രമിച്ച് ശനിയാഴ്ച ആറ് തടവുകാർ ജോവായ് ജയിലിൽ നിന്ന് രക്ഷപ്പെട്ടതായി പോലീസ് ഉദ്യോഗസ്ഥർ പറഞ്ഞു, അവരിൽ അഞ്ച് പേർ ഞായറാഴ്ച 70 കിലോമീറ്റർ അകലെയുള്ള ഷാങ്‌പംഗ് ഗ്രാമത്തിലെത്തി. ഉച്ചകഴിഞ്ഞ് മൂന്ന് മണിയോടെ ഒരു തടവുകാരൻ ഭക്ഷണം വാങ്ങാൻ ചായക്കടയിൽ എത്തിയപ്പോൾ നാട്ടുകാർ അവനെ തിരിച്ചറിയുകയും സമീപവാസികളെ വിവരം അറിയിക്കുകയും ചെയ്തതായി വില്ലേജ് ചീഫ് ആർ റബോൺ പിടിഐയോട് പറഞ്ഞു. നിരവധി ആളുകൾ തടവുകാരെ പിന്തുടർന്ന് അടുത്തുള്ള വനത്തിലേക്ക് പോയതായി അദ്ദേഹം പറഞ്ഞു. ഇതിന് ശേഷം ഇവരെ പിടികൂടി ക്രൂരമായി മർദിച്ചു. സംഘത്തിലെ നാലു പേർ മർദനത്തിൽ മരിച്ചു. ഇതിൽ രമേഷ് ദാഖർ എന്ന ആളാണ് ഓടി രക്ഷപ്പെട്ടത്.

മർദനത്തിന്റെ വീഡിയോ പുറത്തുവന്നു

സംഭവത്തിന്റെ ഒരു വിഡിയോ പുറത്തുവന്നിട്ടുണ്ട്, അതിൽ പ്രകോപിതരായ ഗ്രാമീണർ തടവുകാരെ വടികൊണ്ട് ക്രൂരമായി മർദിക്കുന്നതായി കാണാം. ആൾക്കൂട്ട ആക്രമണത്തിൽ നാല് തടവുകാർ കൊല്ലപ്പെട്ടതായും ഒരാൾ രക്ഷപ്പെട്ടതായും റാബൺ പറഞ്ഞു. ജയിലിൽ നിന്ന് രക്ഷപ്പെട്ട നാല് തടവുകാരെ ഒരു സംഘം ഗ്രാമവാസികൾ പിടികൂടി മർദിച്ചുവെന്നത് സത്യമാണെന്ന് ഇൻസ്പെക്ടർ ജനറൽ ഓഫ് പോലീസ് ജെ കെ മാരക് പറഞ്ഞു. ഞങ്ങളുടെ ഉദ്യോഗസ്ഥർ സ്ഥലത്തെത്തി വിശദമായ വിവരങ്ങൾക്കായി കാത്തിരിക്കുകയാണ്.